Таско за татковството: „Најстресно ми беше кога Лукијан првпат се разболе“

Дали му пееш за да го заспиеш или за да го забавуваш? Тоа се твои песни или научи детски песнички?

Му пеам, и тоа многу често. Му пуштам музика што јас ја слушам. Детски песнички не му пуштам сè уште.

Мислам дека нема потреба од цртани или од некои такви песнички во моментов.

Јас генерално си играм со него, го занимавам и засега е супер во развојот.

Какво бебе е тој? Плаче, мирен е, сака да се гали?

Искрено, добро бебе е, мирен е. Немавме тешкотии со него ни во онаа фаза до 40 дена, ни во првите месеци додека растеше.

Сега, имавме малку проблем со запчињата, но и тоа помина океј на крајот.

Инаку, сака да се гали многу. Живо дете е, сака да истражува, да „чепка“, сака да разгледува околу себе, сака да игра.

На кого личи повеќе, на тебе или на мајка му?

Не знам на кого личи повеќе, комбинација е од двајцата. Некои луѓе викаат дека е на мене, други дека е на Таша.

Ама, вака како што го гледам, засега карактерно е на мене, див и нескротлив.

Што ти е досега најубавата работа поврзана со татковство? А, која ти е најстресна?

Најстресно ми беше кога првпат се разболе, зашто тој не знае да ти каже што му е, па ти треба да откриваш. Тоа ќе го памтам секогаш како најстресен момент.

А, сите останати работи ми се убави - кога ќе стане наутро, кога сака да си игра, кога ќе види и ќе ти се насмее. Сè е убаво.

©CRNOBELO.com Забрането преземање и копирање. Крадењето на авторски текстови е казниво со закон. 

А. Ј. | Црнобело