Љиља oд Скопје е академски сликар, тату артист, фотограф - заштитен знак ѝ се тетоважите

Детали

четврток, 30 јануари 2025

„’Од накит носеше тетоважи’ би рекла за себе, тоа е и една од најавтентичните работи по коишто сум препознатлива. Имам 15-тина тетоважи, а омилена ми е портретот на Ријана“, вели Љиља Прентовиќ (26) од Скопје за CRNOBELO.com.

Љиља Прентовиќ (26), препознатлива по уметничкото име Електра, завршила на Факултетот за ликовни уметности во Скопје, каде што и продолжила со магистерски студии.

Таа е академски сликар, тату артист и фотограф.

„На некој начин сметам дека секој уметник во себе го носи ова тројство од професии“, вели таа.

За CRNOBELO.com Љиља споделува:

„Уметноста секогаш би ја одбрала, во мене живее креативност што секојдневно морам да ја искажам.

фото: Александар Миндев

Дел од мене и стил кој го одбрав е експресионизмот. Ништо посреќна не ме прави од тоа.

Мојата мајка за мене вели: „Прво почна да црташ, па да пишуваш“.

Фотографијата е мојата втора љубов. Експресионизмот беше најблизу што можев да се искажам на платно со што фотографиите ги спојував и правев нешто нереално, па сè што не можев преку фотка, го сликав како што и го замислував.

Најчесто од сон ми извираат идеи, си велам „Љиља, стани запиши, ќе ти биде криво што до утре ќе го заборавиш“.

фото: Александар Миндев

Обожавам кога патувам на места каде што има колоритност, јас би рекла „живост“ на некој начин.

Сакам да си пуштам музика, тивка, и да фотографирам шетајќи на некое место. На уметничка душа и треба помалку слух, а повеќе вид. Мирот и креативноста ќе си го направат своето.

Емоција, тага, среќа, портретни фотографии и архитектура се момент што сакам да го фатам со мојот апарат.

Продолжува на следната страница...