Никола од Скопје и Нардос од Етиопија: „Се запознавме на Фејсбук во христијанска група за самци, се венчавме во Бигорски“

Детали

сабота, 18 октомври 2025

„Се венчавме во Бигорски манастир, мојот духовен отец Партениј нè венчаше, тој ми го даде и благословот да одам во Етиопија за да се сретнам со Нардос, која ја запознав преку Фејсбук групата Orthodox Christian Singles, a ja запросив на третиот ден по средбата во живо“, вели Никола Јовановски (29) од Скопје за CRNOBELO.com.

Никола Јовановски (29) од Скопје, вработен во фурна, а претходно во дом за стари лица и Нардос Јовановска (31) од Адис Абеба, Етиопија, по струка сметководител , дури живеела во Етиопија работела во комерцијалната банка на Етиопија

Парот се запознал преку Фејсбук група за самци, а сега живеат заедно во Скопје со нивниот син Михаил.

Никола ја споделува нивната приказна за CRNOBELO.com:

„Се запознавме во една група на Фејсбук Orthodox Christian Singles... Ми излезе нејзина фотографија со објава во групата и веднаш ја додадов на Фејсбук и ѝ пишав.

Ја прашав дали сака да останеме во контакт на што таа се согласи.

И така почнавме да си се јавуваме еден на друг на камера на WhatsApp.

Разговорот си течеше многу убаво цело време. И се засакавме уште на камера.

Едноставно се погодивме еден за друг.

Се одлучив да отидам во Етиопија после 2 и пол месеци и ѝ кажав дека ќе дојдам во Етиопија.

Извадив виза онлајн. Купив авионски билет и преку Истанбул отидов во Адис Абеба.

Стигнав таму, ме чекаше таа на аеродромот и тоа беше првото видување во живо што не се заборава никогаш.

Се сретнавме, се гушнавме, ја бакнав... И оттаму фативме такси и отидовме во хотелот каде што имавме сместување.

Продолжува на следната страница...