Ива Матиќ, прва жена пилот во Wizz Air од Македонија: „Одговорноста е иста – без разлика дали има двајца или двесте патници“

Ива Матиќ (34) веќе 11 години работи како пилот. Таа беше првата жена воен пилот во Македонија, а сега е и првата жена пилот во Wizz Air од Македонија. Горди сме на неа... „Распоред добивам за цел месец за летање со Wizz Air, и тоа околу 2 недели пред тој да започне. Јас ја имам одговорноста како пилот успешно да полетам, да го извршам летот, и да слетам. Воопшто не е рутина. Секој лет е технички различен, дури и да е на истата рута“, ја започнува Ива својата приказна за CRNOBELO.com.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-01.jpg

Ива Матиќ (34) од Скопје е дипломиран инженер и магистер по електротехника (област компјутерско системско инженерство и автоматика) на Факултетот за електротехника и информациски технологии.

Има завршено обука за воен пилот во Армијата на Република Македонија, завршена обука за комерцијален пилот на патнички авион во Литванија и Шпанија, и завршена обука за тип на авион Airbus A320/A321 во Тулуз, Франција.

Моментално работи како пилот во авиокомпанијата Wizz Air од октомври 2021, а од септември 2022 е базирана во Скопје.

Таа е првата жена пилот во Wizz Air од Македонија. 

За CRNOBELO.com Ива споделува детали за својата професија:

Какво е чувството да се управува патнички авион? Но, и одговорноста... Дали по извесен период возбудата се претвора во рутина?

Одговорноста е голема без разлика дали се два патника или двесте, или пак воздухопловот е празен.

Јас ја имам одговорноста како пилот успешно да полетам, да го извршам летот, и да слетам. Воопшто не е рутина. Секој лет е технички различен, дури и да е на истата рута.

Летам постојано во различни држави низ Европа: Германија, Англија, Италија, Франција, Норвешка, Шведска, Холандија, Белгија и др.

Чувството е секогаш возбудливо и уникатно, и со ист интензитет.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-20.jpg

Како ти изгледа работниот распоред? Спиеш ли по различни земји во светот?

Распоред добивам за цел месец, и тоа околу 2 недели пред тој да започне.

Има многу разни дестинации од оние на кои Wizz Air лета од Скопје. Не преноќуваме во други земји, туку сите летови се во рамките на работното време во истиот ден, и последното слетување е секогаш во Скопје.

Но, понекогаш компанијата има потреба од пилоти во некоја од другите држави од кои Wizz Air има летови, па одиме на неколку денови да летаме од таа држава.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-04.jpg

Колку си во комуникација со кабинскиот персонал?

Постојано, како пред летот за време на брифирањето пред претстоечкиот лет, така и во текот на самиот лет.

Има одредени процедури кои мора да се извршат во текот на самиот лет, па и оттаму постојаната комуникација.

Кабинскиот персонал е клучен фактор за извршување на еден лет со патници.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-09.jpg

Моментално ти ја имаш функцијата на копилот во Wizz Air...Каква е улогата на копилотот?

Така е, јас сум копилот (анг. First Officer). Улогата е подеднаква како на капетанот, така и на копилотот, и двајцата заедно го управуваат авионот, со тоа што капетанот ја носи крајната одговорност.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-10.jpg

Каква униформа носиш?

Од фотографиите може да се увиди, тоа е класична пилотска униформа, кошули со кратки и долги ракави, темно сини панталони, вратоврска, има и марама за пилотките, палто, џемпер, јакна, шал, еполет и пилотскиот знак – крилата кои се носат на левата страна од горниот дел од униформата и секако се мој омилен дел од целата униформа.

iva-matikj-prva-zhena-pilot-vo-wizz-air-od-makedonija-odgovornosta-e-ista-bez-razlika-dali-ima-dvajca-ili-dveste-patnici-05.jpg

Продолжува на следната страна...



Би можело да ве интересира:

Хелена Роза по 4 години се врати од Нов Зеланд: „Заминав на 39 години, завршив факултет и сега со со... „2022 ми беше една од најубавите години - конечно зедов дозвола за возење мотор ...
Миро Кацаров за љубовта со Ивана: „Ни се случи љубов на прв поглед, по неколку месеци веќе почнавме ... „Ивана знае дека јас сум блесав и будала на свој начин, па не беше шокирана од з...
Чичко Живо (92) веќе 7 децении живее во Бразил, неговата ќерка е горда на македонските корени: „Тргн... „Сакавме да одиме во Америка, ама не успеавме и завршивме во Бразил“ - вели за C...
Михаил Корубин: „Моите ми направија прва ‘изложба’ дома на 6-7 години, израснав во ателјеата на татк... „Паметам на 6-7 години моите ми ја направија првата „изложба“ во нашата куќа, ја...
Ламбе Алабаковски: „Во Бигорски си го наоѓам мирот, со Врчак сакаме да снимиме нов дует“ „Магдалена е многу добра мајка и сопруга. Таа во 2000 година со семејството се п...
Иван Босиљчиќ за CRNOBELO: „Јелена ме научи да бидам романтичен, порано не бев како ликовите што ги ... „На 6 години добив брат, а многу сакав сестра. Родителите ми велеа дека ќе имам ...

Најчитани неделава

sonovnik-sidebar.jpg