Видеа од кои навираат солзи на очите – Спасени дечиња од под урнатините во Турција и Сирија

Детали

среда, 08 февруари 2023

Додека целиот свет испраќа свои тимови за помош во Турција и Сирија и сѐ уште трае потрагата по преживеани под урнатините, на социјалните мрежи масовно се споделуваат видеа од дечиња што по повеќе од 20 часа биле извлечени и спасени од под урнатините. Овие видеа влеваат надеж дека не е сѐ загубено, но и ќе ви ги наполнат очите со солзи.

Видео од дехидрирано момче на кое по 20 часа му даваат вода од капаче, двете сестрички кои се молат некој да ги извади, како и радоста кај собраните кога некое детенце ќе биде извлечено живо од под урнатините се некои од вообичаените слики што деновиве ги гледаме од Турција.

Според последните податоци (среда, во 08 часот) бројката на починати во Турција се искачи на 7.108 лица, додека во Сирија на 2.470, но се очекува овие бројки да растат во текот на наредните денови.

Но, дека присутните на терен прават сѐ за да им помогнат на луѓето што се сѐ уште затрупани под урнатините, покажуваат и овие видеа од кои навираат солзи на очите додека ги гледате.

Пожарникарите спасуваат бебенце под урнатините во Турција

2-годишно дете 2 дена чека да го спасат, а му даваат вода од капаче

Малечко бебенце извадено од под урнатините на станбена зграда

Неверојатна радост кај луѓето кога успеваат да спасат мајка со 3 деца во Сирија

Две дечиња молат некој да ги извлече од под урнатините

Кучиња спасувачи помагаат да се најдат преживеани додека со механизација се чистат урнатините

Пожарникар прегрнува и бакнува 1-годишно девојче кое било спасено под урнатините

 

Грчки пожарникари слават откако успеале да извлечат 6-годишно девојче под урнатините

Б. С. Б. | Црнобело