Маја Кикириткова за патувањето на Бали со деца: „Миевме заби со флаширана вода, со такси се возевме за смешна цена“

Детали

вторник, 20 јануари 2026

„За кадата со цвеќе мене ако не прашувате никогаш повторно не би влегла, а чини 50 евра, без масажа. Инаку, храната на Бали е многу евтина, само алкохолот е скап. Лулашката со изнајмување на фустан чини 35 евра, а ако сакате плус фотографии и видеа уште 25 евра“, вели Маја Кикириткова и споделува искуства од Бали, каде беше со сопругот и двете деца.

Модната дизајнерка и инфлуенсерка Маја Кикириткова месецов (јануари) беше на 10-дневно семејно патување на Бали со сопругот Александар и двете деца.

Сега, таа на Инстаграм Стори одговори на низа прашања и даде многу информации за сите оние кои размислуваат Бали да им биде идна дестинација за одмор.

Маја Кикириткова за Бали споделува:

Каква е конекцијата преку Истанбул? Колку се чека?

Летот од Скопје до Истанбул е околу час и половина. Во Истанбул се чека околу 2 часа и летот од Истанбул до Денпасар (Бали) трае 12 и пол часа. Ова е редовен лет.

Со оглед дека на одење на нас ни го откажаа летот, за одење имаше конекција само Скопје-Истанбул-Бангкок-Денпасар, па реално многу летавме.

На враќање си беше како што е предвидено Денпасар-Истанбул-Скопје. Искрено се плашев како ќе биде со децата на така долг пат, но реално го преспаа, па поминавме многу подобро од очекуваното.

Каква е храната? Дали освен нивната, има што да се јаде?

Буквално има сè да се јаде. Паста, пици, бургери, месо... ама нивната кујна е феноменална.

Во хотелите имаше секаков избор, а и каде и да седневме имаше каква и да сакаш храна.

Во кој период од годината е најубаво да се оди?

Ноември, декември, јануари и февруари е дождлива сезона.

Пред да отидеме гледав прогноза и пишуваше дека секој ден ќе врне. Од 10 дена колку што бевме таму, врнеше само два дена.

И тоа врне 15-20 минути и престанува како ништо да не било.

Убавината во овие месеци е што не е толкава гужва и не е толку топло, 30-тина степени, што се чувствуваат како 38.

Водата во океанот е претопла, но и со 50-ка СПФ првпат во живот изгоревме.

Колку е напорен патот и како децата го издржаа?

Воопшто не е напорен. Долгиот лет го преспаа и двајцата.

На враќање и двајцата во авион спиеја околу 10 часа. Ева кога и да се качевме во превоз за да одиме од еден до друг крај заспиваше.

Реално децата не ги ни осетивме, а мислев дека ќе биде напорно.

Продолжува на следната страница...