„Го дочекав моментот фонтаната Лотос пак да работи, ми се врати времето назад. Скопје расцутено, убаво си!“

Детали

четврток, 16 април 2026

„И после толку години, го видов моментот кога Лотосот пак работи. Мала работа, ама веднаш го прави паркот поубав. Плус, розовите дрвја го прекрија градот, како некој филтер да му ставил на Скопје“, вели фотографот Горан Анастасовски.

Скопје на моменти е хаотично, на моменти можеби и малку сиво, но на пролет, околу Велигден е магија.

Со розови цветови, со помалку гужва, а сега и со тазе пуштената фонтана Лотос во паркот – едноставно совршено.

Фотографот Горан Анастасовски преку својот објектив ја доловува неговата убавина.

Тој емотивно вели:

„Денес го прошетав Скопје и како да не беше истиот град што секојдневно го гледаме.

Под розовите цветови, улиците дишат поспокојно, луѓето одат побавно, а боите како да оживуваат повеќе од кога било.

Има нешто посебно во овие празнични денови, кога градот не е само бетон и гужва, туку душа, топлина и тишина што се чувствува.

И можеби не е совршен, но во вакви моменти е најубав на свет.

Потоа, повторно центарот си тера по свое, луѓе шетаат, кафе се пие, ама боите… боите се тие што прават разлика.

Розовите дрвја го прекрија градот, како некој филтер да му ставил на Скопје.

И таман за празник, малку поопуштено, малку поубаво, малку понаше.

Скопје знае да биде хаос, ама вака - знае и да биде мерак.

И после толку години, го видов моментот кога Лотосот пак работи.

Со оваа фонтана како да ми се врати времето назад.

Таман пред Вeлигден, таман тајминг.

Мала работа, ама веднаш го прави паркот поубав“.

Повеќе фотографии на следната страница...