Нова вознемирувачка случка во Скопје: Девојче тепа врсничка на улица, момчиња „навиваат“ - јавноста згрозена

Детали

среда, 01 јули 2026

„Ќутете, како ќе пука! Ќутете! Ајде! Оооооо! Уште еднаш со бокс!“, се слуша гласот на момче, кое наместо да го одбрани девојчето, снима и ја разгорува ситуацијата што се случува во населбата Аеродром.

Малтретирањето меѓу децата постоело отсекогаш, но се чини дека во последно време зема сè поголем замав, а тинејџерите како да уживаат да ги понижуваат врсниците.

По неодамнешниот случај кога девојчиња во населбата Ѓорче Петров малтретираа соученичка и ја тераа да лиже измет, сега се појави ново вознемирувачко видео.

На Инстаграм профилот @roberto_navali_news е објавена снимка која повторно предизвика негативни реакции во јавноста, а по што се бара институциите да реагираат веднаш за да се најдат сите што малтретираат и тепаат своја врсничка.

На видеото пишува дека е направено во скопски Аеродром и иако е заматено, се гледа и слушаат коментарите кои предизвикаа револт кај сите што го погледнаа.

Девојчиња спуштат на асфалтот врсничка која им се извинува, па едната од нив ја прашува дали сака да ја натепа.

Иако малтретираното девојче вели не, неколку десетина деца снимаат со своите мобилни телефони и „навиваат“ таа да ѝ удри шамар.

„Ќутете, како ќе пука! Ќутете! Ајде! Оооооо! Уште еднаш со бокс!“, се слуша гласот на момче, кое дополнително ја разгорува ситуацијата.

Во видеото се гледа и како малтретираното девојче пробува да си оди, но девојката која веќе ѝ удри неколку шлаканици, ја трегне за косата и повторно ја удира.

„Не треба да им се кријат лицата, да се покажат какви гнаси од деца се и какви родители не ги воспитале“,

„Замолувам да се објави овој што кажува Ќутете за да слушнеме како ќе пука. Гнаси, сè доаѓа од дома“,

„А машките навиваат наместо да ги штитат девојчињата“, се дел од коментарите.

Продолжува на следната страница...