Автентична фотосесија на пар од Ресен на овоштарник со јаболка во Преспа, по повод роденден (фото)

Детали

среда, 05 октомври 2022

„Фотосесијата ја организирав за неговиот 23-ти роденден затоа што во Преспа сега е сезона за берење на јаболка, а тој го обожава својот бизнис со производство на јаболка“, вели Ангела Узуновска (21) од ресенско за CRNOBELO.com за изненадувањето за својот сакан, пејачот Живе Мешуревски.

Живе Мешуревски (23) од Ресен и Ангела Узуновска (21) од Царев Двор, село во близина на Ресен, веќе една година се во врска, а сега Ангела одлучила да му организира роденденска фотосесија на својот сакан, на местото кое тој најмногу го сака – на неговиот овоштарник со јаболка.

Живе е студент на Факултетот за музичка уметност во Скопје, активен е на музичката фолк сцена и има снимено 6 песни, а истовремено во Ресен, поточно Преспа, е еден од најголемите производители на јаболка.

Ангела пак, студира на Факултетот за туризам и угостителство  во Охрид, на насока царина и шпедиција.

Ангела ни открива дека токму поради неговата љубов кон бизнисот со јаболка по повод неговиот 23-ти роденден одучила да му организира роденденска фотосесија во тој дух.

Таа за CRNOBELO.com открива:

„Се работи за семеен бизнис кој во иднина јас и Живе би продолжиле да го работиме. Овоштарникот каде што сме сликани е негов и тој активно работи за овој бизнис да биде што повеќе модернизиран.

Уживаме при секоја посета на овошните насади со јаболка, каде има повеќе сорти на јаболка и тоа ајдаред, златен делишес, црвен делишес, муцо, чадел, гренни смит.

Ова е тежок бизнис, но Живе вели ‘кога се сака сè се може’.

Во Преспа се живее од овој бизнис затоа и се цени.

Фотосесијата беше моја идеја и организирав за да биде изненадување за неговиот 23-ти роденден затоа што во Преспа сега е сезона за берење на јаболка.“

Повеќе фотографии од Ангела и Живе:

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело / фотографии: Крис Герасовски