Научно фантастични филмови кои треба да ги имате изгледано - ги има и на Netflix

Кога не знаете што да правите со слободното време, гледањето филм е секогаш одлична забава. А, ако сакате научна фантастика, тогаш на Netflix можете да најдете навистина добри наслови.

Научно фантастичните филмови се забавни бидејќи, пред сè, ни овозможуваат да видиме некаква верзија на нашата иднина или сегашност. Истовремено, токму овие филмови инспирирале голем број изуми и пронајдоци.

Па, ако сте расположени за овој жанр, погледнете неколку интересни предлози.

Blade Runner (1982)

Дејствието на филмот се одвива во дистописка верзија на Лос Анџелес, во 2019-та година. Во овој универзум, ризичните работни места на колониите надвор од Земјата им припаѓаат на роботите, но дел од нив започнуваат бунт.

Тогаш, пензионираниот полицаец Рик Декард добива задача да се справи со нив.

Matrix (1999)

Серијалот Matrix е класика што не смеете да ја испуштите. Главниот лик, кој го глуми Киану Ривс, е програмер и хакер кој добива необична понуда – да се разбуди од „матрицата“ во реалниот свет, или да продолжи да живее во заблуда, не знаејќи дека целиот свет е всушност компјутерска симулација.

Inception (2010)

Во Inception го гледаме Леонардо ди Каприо во улогата на Дом, маж кој сака да всади идеја во умот на еден извршен директор. За таа цел, тој и неговиот тим влегуваат во светот на соништата, каде што владеат малку поразлични правила.

Крајот на филмот ќе ве остави со повеќе прашања отколку одговори.

Продолжува на следната страница...