Научно фантастични филмови кои треба да ги имате изгледано - ги има и на Netflix

2001: A Space Odyssey (1968)

Уште една класика што мора да ја изгледате ако сте фан на жанрот. Дејствието на филмот се одвива во 2001-ва година, кога неколку научници откриваат чуден монолит на месечината. Монолитот изгледа како да праќа сигнали кон Јупитер, па почнува да се подготвува мисија до планетата.

Во леталото Discovery One се наоѓа и компјутерот HAL9000, кој е решен да ја спаси мисијата, дури и по цена на животите на екипажот. Исто како кај Inception, крајот на филмот ќе го мислите многу долго.

Looper (2012)

Ако сакате филмови со патување низ времето, Looper е еден од најдобрите од овој тип. Приказната е сместена во блиска иднина, каде што мафијашите ги испраќаат нивните жртви во минатото. Овде, пак, тие се убивани од платени убијци.

Главниот лик е еден од платените убијци, но набрзо сфаќа дека ќе стане жртва на своите постапки.

Eternal Sunshine of the Spotless Mind (2004)

Овој филм е повеќе романса отколку научна фантастика, но дефинитивно вреди да го изгледате.

Во филмот, на луѓето им е достапна технологија со која им ги бришат сеќавањата за некоја личност, како поранешен партнер. Технологијата ја користат многумина и се чини дека е совршена.

Но, што кога ќе се сретнат двајца поранешни љубовници, чие сеќавање за врската било избришано?

Ready Player One (2018)

Дејствието на филмот се одвива во 2045-та година. Слично како и денес, луѓето се обидуваат да избегаат од реалноста со помош на виртуелниот универзум наречен OASIS.

По смртта на еден од креаторите, светот дознава дека во виртуелниот универзум има загатка, а оној кој ќе успее да ја реши ќе добие целосна контрола над OASIS.

Спирова С. | Црнобело