Астронаутите од првата комерцијална мисија до Меѓународната вселенска станица успешно слетаа во Атлантскиот Океан (фото+видео)

На 2-ри мај 2021 година, астронаутите кои беа дел од првата комерцијална мисија до Меѓународната вселенска станица, позната како Crew-1, успешно се вратија на Земјата со капсулата на SpaceX. Капсулата слета со помош на падобрани во Атлантскиот Океан во близина на брегот на Флорида, околу 3 часот наутро.

Пред речиси шест месеци SpaceX и НАСА ги здружија силите и ја реализираа првата комерцијална мисија со Меѓународната вселенска станица. Астронаутите Мајкл Хопкинс, Виктор Гловер, Шенон Вокер и Соичи Ногучи во ноември минатата година беа лансирани со леталото Crew Dragon, а деновиве успешно се вратија на Земјата.

Нивната мисија траеше 168 денови и ова е најдолгиот престој на Станицата од 1974 година. Астронаутите слетаа во Атлантскиот океан во близина на Флорида, во 2:56 часот по локално време и ова е првото ноќно слетување по мисијата на Apollo 8 во 1968 година.

After 167 days in space, the longest duration mission for a U.S. spacecraft since the final Skylab mission in 1974, Dragon and the Crew-1 astronauts, @Astro_illini, @AstroVicGlover, Shannon Walker and @Astro_Soichi, returned to Earth this morning! pic.twitter.com/vuWPPrreyh

— SpaceX (@SpaceX) May 2, 2021

На официјалниот Твитер профил на SpaceX споделија неколку видеа и фотки од неверојатниот подвиг. Најпрво капсулата се одвои од Станицата и почна да се движи кон Земјата.

https://twitter.com/SpaceX/status/1388653717260443652

Потоа капсулата слета во океанот со помош на падобрани. Пред да излезат астронаутите, капсулата беше качена на бродот Go Navigator.

Splashdown of Dragon confirmed – welcome back to Earth, @AstroVicGlover, @Astro_illini, Shannon Walker, and @Astro_Soichi! pic.twitter.com/jEVQMyOgQT

— SpaceX (@SpaceX) May 2, 2021

🐉 @SpaceX’s Crew Dragon Resilience spacecraft and its four Crew-1 astronauts are being placed safely inside the Dragon's nest aboard the Go Navigator recovery ship. Up next ➡️ the crew exits the spacecraft. pic.twitter.com/5GEVNWu3VP

— NASA (@NASA) May 2, 2021

Следно, астронаутите поминаа низа тестови со цел да се утврди нивната здравствена состојба, а потоа беа испратени со авион во вселенскиот центар во Хјустон, Тексас.

The crew of NASA's SpaceX Crew-1 mission is all smiles after splashing down in the Gulf of Mexico. They just returned from spending 168 days in space. pic.twitter.com/FSde4rRFQT

— NASA's Johnson Space Center (@NASA_Johnson) May 2, 2021

По успешното слетување, на Твитер се огласија и двајца од астронаутите:

„Одлично е да се биде назад на Земјата. Можеби ќе ми недостасува погледот од мојата соба, но среќен сум што сум дома“, напиша Мајк Хопкинс.

„Дома! Мисијата е завршена“, напиша Виктор Гловер.

На Меѓународната вселенска станица веќе се наоѓа и новиот екипаж од комерцијалната програма на SpaceX и НАСА. Ова е втората долготрајна мисија, наречена Crew-2.

Кратко пред заминувањето на астронаутите од Crew-1, астронаутот Соичи Ногуичи сподели заедничка фотка од сите на Станицата:

Повеќе фотки од слетувањето на следната страница...