Наоми Кемпбел како сирена во сребрено, Алесандра Амбросио остава без здив - Гламурот на отворањето на Канскиот фестивал 2023

Детали

среда, 17 мај 2023

Наоми Кемпбел избра сребрен фустан со светки, Ел Фанинг носеше балска креација, Алесандра Амбросио мамеше воздишки во црвен фустан што ја следи линијата на телото. Како изгледаше гламурот на црвениот тепих на отворањето на Канскиот фестивал?

Вчеравечер (16.05.2023) свечено беше отворено 73-тото издание на Филмскиот фестивал во Кан. Отворањето ги собра холивудските ѕвезди и топ модели и донесе многу гламур на француската ривиера.

Раскошни фустани, сјајни креации и луксузни тоалети, дополнети со впечатливи парчиња накит кај дамите и елегантни костуми за мажите.

Популарната Кроазета во срцето на Кан и овојпат беше вистинска модна писта.

Колку што привлече внимание враќањето на Џони Деп, кој го промовираше својот нов филм „Jeanne du Barry“, и појавувањето на Мајкл Даглас, кој ја доби почесната награда „Златна палма“ за животно дело, толкаво внимание привлекоа и гламурозните креации на дамите.

Модата на црвениот тепих во Кан како никогаш да не била толку добра:

Супермоделот Наоми Кемпбел, која долго време не се појавува на црвениот тепих, за отворањето на фестивалот избра сребрен фустан со светки со длабоко деколте.

Актерката Ел Фанинг ги остави присутните без здив – таа носеше балски фустан со корсет и впечатливи детали.

Алесандра Амбросио воодушеви во креација во црвена боја со качулка, длабоко деколте и впечатлив ѓердан.

Актерката Бри Ларсон, која годинава е и во жирито, за отворањето на фестивалот избра фустан во златно-бакарни тонови.

Кетрин Зита-Џонс воодушеви со црвениот фустан од тул со наметка преку едното рамо. Друштво ѝ правеа сопругот Мајкл Даглас и ќерката Карис, која првпат се појави на црвениот тепих со своите родители.

Ума Турман на отворањето дојде со својот син Левон Хок. Таа избра фустан во беж боја и црвена наметка.

Погледнете ја галеријата од сите присутни во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

А. Ј. | Црнобело