Што е гранично растројство на личност и за кои ѕвезди се верува дека страдаат од него?

Детали

петок, 02 февруари 2024

Што е гранично растројство на личноста? Можно ли е скандалозното и самодеструктивно однесување на некои познати личности да биде резултат на проблемите со менталното здравје? За кои познати личности се верува дека страдаат од вакво нарушување?

Граничното растројство на личност е ментално нарушување кое влијае врз тоа како личноста се перципира себеси и другите, па понекогаш секојдневниот живот ѝ станува неподнослив.

Луѓето што имаат вакво растројство често имаат негативна слика за себе, негативно зборуваат за себе, тешко ги контролираат однесувањето и емоциите и значајно е тоа што речиси секогаш зад себе имаат низа нестабилни врски.

Луѓето што страдаат од вакво нарушување често чувствуваат страв дека ќе бидат напуштени и не можат да поднесат да бидат сами, но контрадикторно е тоа што често ги оттурнуваат луѓето од себе заради изливите на гнев, променливото расположение и импулсивноста, иако велат дека копнеат по стабилни и долготрајни врски.

Се верува дека оваа состојба може да биде предизвикана од повеќе наследни и ненаследни фактори, а исто така, може да се јави и како последица на трауматични искуства во детството.

Се верува дека вербалното, сексуалното и физичкото насилство во детството можат да бидат причинители за растројството.

Граничното растројство на личност најчесто почнува во детството и состојбата се влошува со созревањето ако не почне да се третира навреме. Сепак, за ова растројство постојат лекови и често лицата што го имаат може да функционираат добро со соодветен третман.

Кои се симптомите на гранично растројство на личноста?

Самодеструктивно и импулсивно однесување

Особено кога се гневни, луѓето што страдаат од ова растројство може да почнат да се однесуваат самодеструктивно и да реагираат импулсивно.

Кај некои лица е забележано, неконтролирано прекумерно внесување храна, невнимателно и опасно возење, трошење повеќе пари отколку што можат да си дозволат, крадење од продавници, злоупотреба на опојни супстанци или вклученост во опасни сексуални ситуации.

Ваквото однесување прави да се чувствуваат подобро во моментот, но има лошо влијание врз нив и врз нивните сакани.

Постојано се сомневаат во некого и губат допир со реалноста

Овие луѓе често стануваат параноични и ги преиспитуваат намерите на луѓето околу нив. Понекогаш ваквите параноични испади се нереални и имаат чувство дека целосно загубиле допир со реалноста.

Чувство на празнотија

Овие лица многу често зборуваат дека се чувствуваат празно и велат дека имаат дупка во себе. Кога им се влошува состојбата, тие се чувствуваат како никој и ништо, заради што често се свртуваат кон користење дроги, премногу секс, храна или кон она што им помага да ја пополнат празнотијата во себе.

Неочекувани промени во расположението

Кај овие луѓе се случува во еден миг да скокаат од радост, а во следниот да бидат тажни. Може да се случи да избувнат за мали работи, што на другите им се смешни или банални.

Но, кај овие луѓе, промените во расположението не траат толку долго како кај оние што страдаат од депресија или биполарно нарушување, туку само неколку минути или часови.

Експлозија на гнев

Луѓето што имаат гранично растројство често имаат „краток фитил“. Тие избувнуваат лесно и нивниот гнев е многу интензивен.

Викаат затоа што не можат да се контролираат, а често им се случува и да почнат да фрлаат предмети по домот. Честопати знае да се случи гневот да го потиснуваат во себе и да не го покажуваат.

Кои познати личности се верува дека имаат (или биле обвинети дека имаат) гранично растројство на личноста?

Погледнете на следната страница...