Дејвид „се бори“ со елката, синот Круз пее – Бекамови слават Божиќ, откако Бруклин ги извиси и ги блокира на Инстаграм

И Ромео Бекам сподели неколку фотки од празничната атмосфера во домот, па покажа како прави десерт и дегустира вино, а објави и фотка од девојка му Џеки Апостел.

Како што веќе спомнавме, Бруклин „го извиси“ семејството и за Божиќ. Впрочем, неодамна тој дури и го блокира целото семејство на Инстаграм.

Сепак, Дејвид и Викторија не му замерувале.

„Дејвид и Викторија никогаш нема да престанат да го сакаат Бруклин. Секогаш ќе бидат овде за него и сакаат да знае дека се многу тажни од ситуацијата.

Изгледа дека Бруклин ги блокирал за да им покаже дека тоа е тоа, ова е крајната одлука. Јасно е дека ова е знак дека тој сака целосно да се оддалечи од неговото семејство“.

Бруклин ги минува празниците во домот на родителите на Никола Пелц, каде покрај Божиќ, ќе слави и Ханука бидејќи тие се евреи.

Засега Бруклин нема споделено ништо од прославата, единствено фотка на кој ја држи Никола за рака:

„Моето сè“, стои во описот.

Што се однесува до блокирањето на Инстаграм, најпрво почна да се зборува дека Дејвид и Викторија престанале да го следат профилот на Бруклин.

Но, ова го разгневи нивниот најмал син Круз кој на Инстаграм сподели:

„Мама и тато никогаш не би го отследиле нивниот син. Беа блокирани. Исто како и јас“.

Според пријател на Бруклин и Никола, тие ги замолиле Бекамови да престанат да ги контактираат.

Истовремено, не им се допаѓале објавите на парот, па дури и се плашеле дека ќе споделат нешто за нив.

„Во духот на празниците, ќе биде навистина добро ако Бекамови ги остават на мир. Тие ја почнаа ова игра со блокирање претходно годинава и продолжуваат со неа“, вели пријателот на Бруклин

Тој додава и дека Бруклин и Никола не сакат да ја коментираат целата ситуација и само сакале мир.

Спирова С. | Црнобело