Среќна жена: Кристијано Роналдо и го нашол загубениот телефон и ја однел на вечера

Детали

вторник, 07 јули 2015

.Кристијано Роналдо пријатно изненадил една девојка откако и го вратил телефонот кој го изгубила и потоа ја однел на вечера заедно со нејзините пријателки.

30-годишниот фудбалер моментално е на одмор во САД пред почетокот на новата сезона и тренинзите за Реал Мадрид.

За време на неговиот престој во Лас Вегас тој пронашол мобилен телефон и решил да го врати на среќната сопственичка.

Остин Влстенхилме која била во истиот период во градот како и Роналдо, всушност била девојката која останала без телефон, но само два дена подоцна, покрај тоа што го добила својот телефон, таа добила и вечера во еден од полуксузните ресторани во Лас Вегас.

Taa објавила на својот Инстаграм профил: „Лошите вести се дека го загубив мојот телефон пред два дена, но добрите вести се дека Роналдо го пронајде. Уште подобра вест е дека не покани на вечера“.

Звучи како вечера која долго ќе ја памети Остин благодарение на добрите манири на Роналдо.