Бијонсе заедно со Блу Ајви ја промовираше првата сопствена фитнес колекција

Детали

петок, 01 април 2016

Поп дивата Бијонсе повторно нѐ потсетува зошто има статус на супер ѕвезда.

Се чини дека на 34-годишната пејачка не и е доволна една насловна страница, па токму затоа ги краси двете корици на магазинот Elle, односно американското и британското издание на списанието за месец мај.

Прекрасната Бијонсе позира за американскиот Ел во парче од нејзината нова фитнес колекција Ајви Парк на Топшоп, со минимална шминка и беспрекорно тонирано тело. Изгледот на дивата е надополнет со прекрасно дефинирани кадрици, кои изгледаат природно и доловуваат едноставен изглед.

Насловната страница за британското издание на Ел е во сличен дух, пренесувајќи чиста естетика и природен изглед. Покрај собраната коса на Бијонсе, во преден план е нејзината совршено сјајна кожа и скоро проѕирната шминка, „зачинета“ со лесно контурирање, сенка и сјај на усните во светли земјени тонови.

Интервјуто е окарактеризирано како длабочински искрено, во кое Бијонсе зборува за нејзината слобода, феминизмот и како нејзината модна фитнес колекција Ајви Парк има цел да им помогне на жените, да го засакаат изгледот на своето тело.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

(O)Милена | Црнобело