Каде се сега и што прават актерите од „Gossip Girl“?

Детали

вторник, 14 март 2017

Сите ги обожававме и на сите ни недостасуваат, ама како и за сите други работи, така мораше да дојде и крајот на серијата „Gossip Girl“ уште пред 4 години.

Серијата заврши, а каде се сега актерите кои ги глумеа омилените ликови од неа?

Чејс Крафорд

Нема некоја која не беше заљубена во небесно сините очи на Нејт Арчибалд. По серијата се појавува во уште „Blood & Oil“ од која започна да се емитува во 2015-та година и во „Casual“ како студент.

Лејтон Мистер  

Краливата Блер Волдорф, стапи во брак со актерот од „The O.C.“, Адам Броди и моментално глуми во комедијата „Making History“. Мистер исто така, ја продолжи и својата музичка кариера со албумот „Heartstrings“ кој се најде на 139-тото место на „Billboard“ листата.

Џесика Зор

Откако се збогува со ликот на Ванеса, Зор се појавува во неколку филмови и ТВ серии, а има улога и во „Twin Peaks“.

Ед Вествик

По зборовите „Јас сум Чак Бас“ кои сè уште одѕвонуваат во срцата на фановите на „Gossip Girl“, Вествик премина на серијата „Snatch“ која се прави според филмот на Гај Ричи од 2000-тата година, со исто име.

Блејк Лајвли

Серена Ван Дер Вудсен во реалноста заврши во брак со Рајан Рејнолдс - актерот кој беше прогласен за најсекси маж во 2010-та година и со него доби две ќерки. Џејмс се роди во 2015-та година, а Инес во 2016-та.

Пен Беџли

Ден Хамфри заврши во брак со Домино Кирке. Инаку, после „Gossip Girl“ тој се појавува само во неколку независни, помалку познати филмови, а моментално е главен пејај на групата „MOTHXR“.

Тејлор Момсен

Момсен после „Gossip Girl“ заборави на телевизиските серии, а оттогаш, па навака, таа е водечкиот глас на групата „The Pretty Reckless“ чија последна објавена песна е „Who You Selling For“ од 2016-та година.

Н. Г. | Црнобело