Заводникот од шпанските серии - Вилијам Леви денес е уште посекси (фото)

Детали

недела, 16 јули 2017

Русокосиот заводник со извајано тело со своите улоги во шпанските теленовели ги освои срцата на жените ширум светот.

Неговиот заштитен знак беа неодоливата насмевка и извајаните мускули, а и денес ситуацијата останува непроменета.

Вилијам Леви денес е уште пожежок, а на Инстаграм има повеќе од 5 милиони следбеници.

Роден е на 29-ти август 1980 во Хавана, Куба. Зад себе има огромен број на улоги во серии и филмови од шпанското говорно подрајче, но неговото име веќе е добро познато и во Холивуд.

Уште во 2011 година Џенифер Лопез го покани да биде дел од нејзиниот спот за песната „I'm Into You“, а досега го видовме во филмовите „Resident Evil: The Final Chapter“ (2016), „Addicted“ (2014) и „The Single Moms Club“ (2014).

Вилијам од 2003 година е во врска со мексиканско-американската актерка Елизабет Гутиерез со која во 2006 го добија синот Кристофер, а во 2010 година ќерката Кајли. Тие постојано се разделуваат и смируваат, но без разлика на сė дури и кога се разделени се во добри односи и соработуваат и професионално.

Во една пригода Елизабет за Леви и нивната врска изјави:

„Сметам дека во секоја врска фундаментално е да си бидете поддршка еден на друг и да си дадете крилја за да летате. Во тоа е убавината. Јас му се восхитувам на Вилијам бидејќи тој порасна многу од почетокот на неговата кариера и сето тоа го должи само на својата упорност и труд.“

Дел од неговите најнови фотки од Инстаграм:

С. С. | Црнобело