„Ќерка ми сака да се ожени со Африканка“ - Пинк ги воспитува нејзините деца родово-неутрално

Детали

понеделник, 04 декември 2017

Пинк неодамна откри дека не сака нејзината 6-годишна ќерка Вилоу и 11-месечниот син Џејмисон, да се ограничуваат според традиционалните родови улоги, бидејќи тие не се етикетирано семејство.

Тие сакаат нивните деца да носат слободни одлуки кои не се диктирани од општеството и општо прифатените правила за тоа кој што смее да прави.

38-годишната пејачка исто така откри дека нејзината ќерка сака да се ожени со жена Африканка кога ќе порасне:

„Ние сме семејство без етикети и правила. Минатата недела Вилоу ми кажа дека ќе се ожени со Африканка. А, јас и реков – Супер, ќе ме научиш ли како да готвам африканска храна? Таа на ова одговори – Секако мамо, и ќе живееме со тебе додека не ни биде готов домот.“

Во август, на MTV VMA наградите, Пинк ѝ оддаде почит на нејзината ќерка и сподели приказна за тоа колку е предизвикувачки да се одгледува младо девојче.

Пејачката се потсети дека Вилоу за себе ѝ кажала дека таа е најгрдото девојче кое го познава и дека за неа мисли дека изгледа како момче со долга коса.

На тоа Пинк дала уникатен и оригинален одговор со кој ја советувала:

„Ти си прекрасна. Кога луѓето ме исмеваат, тие велат дека изгледам како момче или дека сум премногу машкуданеста. Но, гледаш ли дека ми расте коса? Гледаш ли како ми се менува телото? Дали гледаш како се продаваат карти и ги полнам салите насекаде низ светот? Малечка, ние не се менуваме. Ние создаваме бисер во школка. Ние им помагаме на другите да се променат, за да можат да ги видат сите видови на убавина.“

Секако, ова предизвика бура реакции, некои позитивни кои ја поддржуваат, но и некои кои не се сложуваат со ова. Сепак, секој има право на свое мислење и начин на кој ќе ги воспитува своите деца. 

М. М. | Црнобело