Бен Афлек ја покажа тетоважата поради која му се смееја бившите (фото)

Детали

понеделник, 19 март 2018

Популарниот глумец се криеше речиси две години, тврдејќи дека огромната тетоважа на грбот е лажна, односно направена за потребите на филм. Но, се разоткри деновиве, кога папараците го уловија без облека на Хаваи.

Актерот Бен Афлек (45) беше фотографиран за време на тренинг на плажа во Хонолулу, додека со колегите Чарли Ханам, Оскар Исак и Герет Хедлунд се подготвуваа за нивниот претстоен филм „Triple Frontier“. 

Масивната и колоритна тетоважа, каде е прикажана сцена со птицата феникс во лет, комплетно го прикрива грбот на филмската ѕвезда.

Jавноста ѕирна дел од тетоважата на Афлек, летото во 2015 година, а недолго потоа со сопругата ја најавија нивната разделба.

Во целосно издание беше видена кон крајот на декември истата година, дури тој го снимаше филмот „Live by Night“.

Наспроти медиумските написи дека станува збор за вистинска тетоважа, Афлек ги демантираше таквите тврдења во март 2016 година. Уверуваше дека не е перманентна, туку привремена:

„Таа е лажна и само за филм. Не дека немам повеќе тетоважи, ама се трудам да ги имам на места кадешто не е потребен многу голем труд за да се прикријат. Со тек на време, тетоважите стануваат зависност.“ 

Додека тој со години се колнеше дека „ремек-делото“ што го носи на грбот не е автентично, ова не ги спречи неговите бивши партнерки гласно да зборуваат на таа тема.

Во интервјуто за Vanity Fair, екс-сопругата Џенифер Гарнер наговести дека не е баш најголем фан на тетоважата.

„Знаете што би рекле во моето родно место? Прости му Боже, не знае што прави!“, изјави Гарнер. „Феникс се издига од пепелта. Дали сум јас пепелта во ова сценарио? Навредена сум. Не сакам да бидам пепел.“, рече таа.

Џенифер Лопез, пак, која претходно беше свршена со холивудскиот фраер, исто така не го поштеди од критики. Латино дивата му се потсмеа и го прекори бившиот во дадениот коментар.

„Ужасна е. Што правиш?!“, праша пејачката и додаде: „Неговите тетоважи секогаш имаат премногу бои. Не треба да се толку шарени. Треба да бидат покул.“ 

Покрај споменатата птица, Бен Афлек има истетовирано и делфин на десниот колк, којшто го покрива името на средношколската љубов.

Беше виден и со бодликава жица преку десниот бицепс, поголема тетоважа со риба, череп и коски на десната рака, како и иницијали во пределот на рамената.

Сега кога собра храброст да ја покаже, предизвика илјадници коментари на социјалните мрежи. Мислењата се поделени. Едни ја нарекуваат „грозна“, додека за другите е „спектакуларна“.

Како ви делува вам?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело