Зошто Кајли Џенер ја криеше бременоста?

Детали

четврток, 26 април 2018

Ријалити ѕвездата со месеци ја криеше убавата вест од фановите, но експертите тврдат дека тоа била вистинската одлука.

Кајли Џенер на 1-ви февруари објави на Инстаграм дека стана мајка на девојче, а до тој миг светот не знаеше за нејзината бременост.

Освен некои гласини, таа во ниту еден миг не откри дека очекува принова.

Зошто 20-годишната мајка ја криеше бременоста?

Да се води живот пред очите на јавноста, како што води Кајли Џенер, e навистина стресно, па веста за бременоста ќе ставеше дополнителен товар врз нејзините раменици затоа што јавноста ќе почнеше со осудите дека е премлада, дека не е во брак итн.

За да се заштити од сиот тој критицизам и осуда, таа одбра да молчи со месеци.

Rachel Waddilove, автор на книгата „The Baby Journal“ вели дека со тоа ријалити ѕвездата се заштитила и од притисоците каков начин на живот да води во бременоста, па потоа дали да дои, какви рутини да постави и низа други работи кои им прават огромен притисок на младите мајки.

„Живееме во време кога сè е јавно, дури и тоа дали вашето дете пиело чај. Лудо е. Но, кој и да сте имате право на приватност и ѝ симнувам капа на Кајли поради тоа. Познатите дами кога се трудни со појавувањата во медиумите имаат огромен товар како ќе се одвива бременоста и работите потоа.

Социјалните медиуми, иако имаат добра страна, тие се штетни ако не се користат правилно – ви го одземаат правото на слободен избор. Опасно е и стресно, да слушате критики, особено ако сте млада мајка“, вели таа и додава дека Кајли е во фокусот на таблоидите  и најдобрата одлука што можела да ја донесе е да ја крие бременоста.

Кајли и самата изјави дека немало голема платена објава на бременоста, туку едноставно не ја кажала веста за бебето да не го почувствува секој стрес и секоја лоша емоција која ќе имала таа во текот на бременоста. Тоа го направила за своето малечко и неговата среќа.

С. С. | Црнобело