Познати дами кои преживеале љубовен бродолом пред очите на јавноста, но сега повторно се вљубени

Детали

сабота, 29 септември 2018

Познатите жени служат како пример и инспирација за многу девојки низ светот, па дури и за тоа како јавно се справуваат со љубовните проблеми.

Меѓу овие познати жени се и Џенифер Анистон, Џенифер Лопез и Деми Мур. Тие многупати ги изложиле своите врски и бракови пред очите на јавноста, а потоа и раскинувањата и закрепнувањето.

Прочитајте што тие кажале за љубовните бродоломи и како се справиле со ситуацијата:

Џенифер Анистон: „Барем да не беше пред очите на целиот свет“

Актерката поминуваше низ тежок период кога нејзиниот поранеше сопруг, Бред Пит, пред очите на јавноста ја започна аферата со Анџелина Џоли.

„Тажно е кога на нешто му доаѓа крајот. Ако настојуваш да ја избегнеш болката, боли уште повеќе. Јас сум човечко суштество кое има човечко искуство пред целиот свет. Барем да не беше пред очите на целиот свет. Се трудам да бидам над тоа.“

Опра Винфри: „Болката е учител“

„Се сеќавам колку бев тажна кога го молев да ми даде уште една шанса. Сега знам дека тој беше мојот најголем учител. Тој дојде во мојот живот за да ме научи да се сакам себе повеќе. Тој ми рече дека проблемот со мене е што мислам дека сум посебна, а јас одрекував. Но, гледајте ме каде сум сега.“

Сара Џесика Паркер: „И ти ќе скршиш нечие срце, но ќе ти го скршат и тебе“

Како и во „Сексот и градот“, така и во приватниот живот, актерката поминала низ повеќе љубовни маки.

„Добро е кога ќе згрешиш и ќе бидеш уништен и срцето ќе ти биде скршено. Така учиш да правиш подобри избори. Сите треба да излегуваме на состаноци, сите треба да скршиме нечие срце, но треба некој да го скрши и нашето. Да лежите со денови и да чекате телефонот да заѕвони, да се надевате, а тоа да не се случи.“

Џенифер Лопез: „Никој не може да нè спаси, освен ние самите“

По многуте неуспешни врски и бракови, латино-ѕвездата мислела дека не е доволно вредна за да биде сакана.

По прекинувањето со Бен Афлек, нејзиниот тогашен пријател, а подоцна и сопруг ѝ рекол: „Она што мораш да го знаеш е дека никој не може да те спаси или излечи. Само ти самата можеш да го направиш тоа за себе.“

Оттогаш, Џеј Ло го има прифатено овој совет и несебично го споделува со блиските.

Деми Мур: „Се плашев дека никој не може да ме сака и дека не сум достојна за љубов“

„Она што ме плаши е дека на крајот на животот ќе сфатам дека не сум достојна да бидам сакана. Дека во мене постои нешто погрешно. Оваа борба за мене значи наоѓање љубов која ми дава храброст да го остварам својот полн потенцијал.“

Рис Витерспун: „Болката минува, лузните остануваат“

Русокосата актерка поминувала низ голема болка по разводот од актерот Рајан Филипе.

„Кога ќе ти речат дека сè ќе помине, се прашуваш дали тие се луди. Мислиш дека вечно ќе се чувствуваш лошо и дека веќе ништо нема смисла. Секако, тоа поминува и сфаќаш дека сè има смисла.“

Е. Д. | Црнобело