Маноло Бланик ја обожава Меган Маркл: „Таа ѝ дава пулс на кралската фамилија“

Детали

вторник, 13 ноември 2018

Меган Маркл ги обожава дизајнерските чевли на Маноло Бланик, а Бланик пак, ја обожава неa.

Во интервју за „Footwear News“, тој отворено зборувал за тоа што мисли за војвотката од Сасекс:

„Ми се допаѓа мешањето на британската и американската култура. Мешаната крв е единствен начин аристократите да опстанат. Меган има неверојатна харизма, софистицирана и елегантна, но во исто време и урбана. Се движи гордо, но е и пријатна, топла... А љубезноста и топлината ни требаат секогаш“, изјавил дизајнерот.

„Заедно со својата јатрва Кејт Мидлтон, Меган е вистинска модна и стилска икона на кралското семејство.“

За Бланик е огромна чест што војвотката ги сака неговите дизајни и смета дека таа ќе стане вистинска стилска икона на 21-от век.

Е. Д. | Црнобело