Зошто Џастин Бибер привремено се повлекува од музичката сцена?

Детали

четврток, 15 ноември 2018

„Со години сите како да се обидуваат да земат дел од него. Џастин Бибер има исполнет живот, но се чувствува празно.“

Наскоро нема да гледаме нови работи од Џастина Бибер на поле музика. Поп пејачот е презаситен од сите тие обврски, има потреба да мине време со неговата сопруга Хејли Болдвин и да сфати што сака следно.

„Тој е среќен и задоволен. Вљубен е во Хејли. Таа го охрабрува да ги прави работите што ги сака и го мотивира на патот до себеоткривањето“, изјави извор близок до парот.

Бибер (24) и Хејли (21), кои се венчаа на тајна церемонија во септември, не се срамат да ги покажат емоциите еден за друг во јавноста. Фотографите постојано ги ловат како се држат за раце, се бакнуваат и прегрнуваат.

Но, оваа година немаше само среќни мигови за Џастин. Пејачот во неколку пригоди беше фотографиран со солзи во очите  и неговите блиски велат дека иако неговиот живот е исполнет со работи за кои треба да биде благодарен, тој се чувствува празно однатре.

„Му пречи кога луѓето постојано го прашуваат кога ќе се врати во студио или ќе оди на турнеја. Работеше интензивно со години и на првата позначајна пауза што одлучи да ја земе, сите му вршат притисок. За Џастин ова не се само прашања, туку барања и тоа го нервира. Со години сите како да се обидуваат да земат дел од него.

Тој на моменти размислува дека не е само музиката, дека можеби постојат и други работи кои треба да ги прави. Навистина сака да го направи светот подобро место  и е свесен дека некои од неговите претходни избори не придонесоа за тоа. Затоа работи на тоа и навистина треба да добие аплауз. Тоа е зрел потег“, вели изворот.

С. С. | Црнобело