Најмени папараци, дрога за време на снимањето - 10 мрачни тајни кои го откриваат вистинското лице на Холивуд

Моќната холивудска мафија

Холивуд се обидува да се прикаже како град на екстраваганција и гламур, но тој има особено мрачно минато, кое воопшто не е гламурозно. Напротив, станува збор за сомнително минато.

Гласините се дека мафијаш по име Мики Коен управувал со подземјето на Холивуд. Криминалните организации на Коен буквално владееле и ја управувале индустријата онака како што сакале. Ова е една валкана тајна која Холивуд дефинитивно сака да ја избрише од своето минато.

Луѓе кои се специјализирани за решавање на проблемите

Во еден совршен свет, ѕвездите никогаш не запаѓаат во неволји и имаат беспрекорна кариера и однесување. Но, вистината е дека и славните на крајот од денот се обични луѓе и прават многу непромислени грешки.

Во тие моменти еден од луѓето кои ги имаат на располагање е Мајкл Ситрик, човекот чија специјалност е решавање на овие проблеми.

Ситрик со години ја има репутацијата на „спин-мајстор“, човекот кој има талент да ја претвори негативната ситуација во позитивна.

Стареењето кое се контролира по секоја цена

Да, во Холивуд едноставно не е дозволено да остарите. Многу од актерките лажат за своите години, само да ја добијат улогата и посакуваното внимание.

Во филмската индустрија најголемиот адут е секако – младоста. Не е важно само колку години покажува вашата лична карта, потребно е секако да изгледате младолико, а тука доаѓа на помош скапата естетска хирургија.

Неверства и разводи

Што би бил Холивуд без бројните неверства и разводите кои повеќе не ги собира на прстите од едната рака?

Анџелина Џоли е само една од ѕвездите која ја доби етикетата „растурачка на бракови“, откако флертуваше со Бред Пит за време на снимањето на филмот „Mr. & Mrs. Smith“, додека тој сè уште беше во брак со Џенифер Анистон.

Кристен Стјуарт пак беше „уловена“ во афера со режисерот на филмот „Snow White and the Huntsman“, Руперт Сандерс, додека беше во врска со Роберт Патинсон.

Ова се само 2 од безбројните примери кои укажуваат дека моногамијата и верноста во Холивуд се една голема лага.

„Тајни“ деца

Сите беа шокирани од фактот колку долго Ева Мендез го криеше своето стомаче, односно бременоста, но вистината е дека таа е вистински аматер во споредба со ѕвездите кои долги години ги криеја своите „тајни“ деца.

Лив Тајлер дури на 8-годишна возраст дознала дека нејзиниот биолошки татко е пејачот Стивен Тајлер. Таа самата ги открила парчињата од сложувалката, особено поради огромната физичка сличност помеѓу таткото и ќерката.

(О)Милена | Црнобело