10 фотки како доказ - Зошто Рами Малек е следната голема модна икона?

Детали

понеделник, 18 февруари 2019

Номиниран за „Главна машка улога“ во филмот Bohemian Rhapsody на претстојните Оскари кои треба да се одржат на 24 февруари, се чини дека Рами Малек, 37-годишниот актер од Калифорнија конечно ги добива заслужените 5 минути слава.

Сепак, се надеваме дека ќе траат подолго, а тие што се малку повеќе упатени во неговата кариера, добро знаат дека неговите „5 минути слава“ започнаа многу порано.

Тој ја толкува и главната улога во ТВ серијата Mr. Robot која започна со емитување во 2015 година, а заедно со Чарли Ханам заврши одлична работа во филмот Papillon од 2017 година.

Освен на филмското платно, Малек особено внимание предизвикува и на црвениот тепих. Тој се смета за еден од најдобро облечените ѕвезди на денешницата, а неговите продорни сини очи, високи јаболчници и неодоливата насмевка секако не се излишни. Голем дел од брендовите „се тепаат“ да го облечат актерот кој очигледно разви приврзаност кон францускиот Диор.

Не е никакво чудо што Малек стана едно од заштитните лица на Dior Homme во 2017 година, покрај Бој Џорџ и раперот A$AP Rocky.

Неговите египетски корени го прават исклучително привлечен и невозможно е да се занемари неговото присуство на која и да било манифестација. Додека нетрпеливо ги очекуваме резултатите од најпрестижните филмски награди на планетата и неговото појавување, погледнете ги најдобрите модни изданија на Рами Малек:

• 
• 
• 
• 
• 
• 
• 
• 
• 
• 
•  

 (О)Милена | Црнобело