Џастин Бибер знае да биде и дарежлив – Му даде 40 долари на бездомник пред бензинска (фото)

Детали

вторник, 18 јуни 2019

Дрејк им остава на продавачки по 100 долари бакшиш, Бибер дава пари на бездомници – дали е за слава или од дарежливост, причината за хуманите гестови на ѕвездите не е важна.

Облечен во искинати шорцеви, шарен дуксер, жолти чорапи и папучи Џастин Бибер ја покажа својата хуманост.

Тој бил забележан како излегува од бензинска пумпа, а пред вратата дарежливо му подава на бездомник 40 долари.

Пејачот го поминал викендот во Мајами на црковна конференција со неговата сопруга, па многумина велат дека тоа го инспирирало да покаже хуманост.

Други пак, се пошегуваа дека неговиот шарен и весел аутфит го направил дарежлив, но сепак, Џастин е еден од оние кои често знае да им помогне на бездомниците.

Која и да е причината, хуманите гестови се ценат, посебно во светот на славните.

Помеѓу нив, Дрејк важи за еден од подарежливите и често знае да изненади со добро дело, па добро е кога славните го следат тој пример. 

Моментот кога Бибер е уловен на бензинска со бездомник:

M. M. | Црнобело