Го одгледала самохрана мајка, талентот му бил откриен на YouTube – Патот до славата на Џастин Бибер

Детали

четврток, 01 август 2019

Неговиот татко ја оставил мајка му кога Џастин бил мал, а таа го израснала како успешен музичар, откако во детството пројавил желба за музика и пеење, па таа му ги објавувала сите перформанси на YouTube, од каде неговиот талент бил препознаен. 

Џастин Бибер е еден од оние кои успеваат уште во 20-ите години да направат милиони, но како стана толку познат и какво било детството на пејачот?

Во продолжение прочитајте неколку факти за детството и животот на Џастин Бибер кои можеби не сте ги знаеле:

1. Роден е на 1-ви март 1994-та во Онтарио, Канада и има 25 години.

2. Тој е единствено дете на неговата мајка Пати Малет, која останала самохрана мајка во нејзините тинејџерски години, откако се разделила од таткото на Џастин, Џереми Бибер, а му била најголема поддршка, па дури и менаџер во еден период, за што Бибер ѝ е благодарен за целата поддршка што му ја давала. 

3. Пораснат е во Стратфорд, град познат по културата, а можеби токму тоа опкружување влијаело Бибер да ја засака музиката уште од мала возраст.

4. Откако покажал афинитети кон музиката и не престанувал да чука на сите предмети, неговата мајка му подарила тапани, а откако го усовршил овој инструмент, научил да свири на гитара, пијано и неколку други инструменти.

Талентот очигледно му е наследен – неговата мајка пее добро, татко му свири гитара, а баба му била пијанистка.

5. Младиот Канаѓанец освен што бил талентиран за музика, бил активен и во повеќе спортови како фудбал, кошарка, хокеј, скејтборд, а одлично му одело и со шах и рубикова коцка.

6. Учел во француско католичко училиште, бидејќи мајка му има потекло од Франција, а на 12 години се пријавил на музички натпревар во градот и првпат ги покажал способностите за пеење, па освоил второ место.

7. Со добрите пласмани на локалните музички натпревари Бибер се охрабрил и напредувал со препевање на песни од познати пејачи, а неговата мајка му ги објавувала сите перформанси на YouTube канал, кој брзо добил многу следбеници.

Момчето му оставил посебен впечаток и на музичкиот продуцент Скутер Браун (сегашниот менаџер), кој веднаш почувствувал потреба дека мора да го најде.

Продолжува на следната страна...