Роберт Де Ниро и Ал Пачино - повеќе од 50 години: Холивудски пријателства кои траат со децении

Детали

сабота, 06 јуни 2020

Многумина сметаат дека холивудските врски, без разлика дали пријателски или романтични, не траат долго.

Сепак, најчесто слушаме за славните парови кои се разделиле, или славните пријатели кои повеќе не зборуваат едни со други.

Но и на ѕвездите им се потребни пријатели, а некои од холивудските пријателства траат со децении.

Погледнете дел од најдолгите пријателства во Холивуд:

Тори Спелинг и Џени Гарт, пријателки од 1990-та

Тори и Џени се запознаа на снимањето на „Beverly Hills, 90210“ во 1990-та. Оттогаш, актерките се неразделни – секогаш се поддржуваат, минуваат многу време заедно, но работат и на заеднички проекти.

Лив Тајлер и Алисија Силверстон, пријателки од 1994-та

Во 1994-та, Лив и Алисија се појавија во музичкиот спот на „Crazy“ од Aerosmith и веднаш се спријателиле.

Години подоцна, тие сè уште наоѓаат време една за друга.

Рис Витерспун и Кејт Хадсон, пријателки од 1991-ва

Актерките првпат се запознаа на премиерата на „The Man in The Moon“ во 1991-ва година и нивното пријателство трае веќе три децении.

Рис дури има изјавено дека мајката на Кејт, Голди Хоун, била нејзиниот идол кога ја почнала актерската кариера.

Никол Кидман и Расел Кроу, пријатели од 1992-ра

Никол и Расел се запознале во 1992-ра, на забава во домот на Наоми Вотс. Тој период актерката беше во брак со Том Круз, па тројцата веднаш се спријателиле:

„Таа го донесе Том каде што седев. Неверојатно беше што зборував со најголемата филмска ѕвезда тој период, а неговата сопруга му кажувала за моите филмови, па тој ми поставуваше прашања мене, а не обратно. Беше неверојатно искуство и оттогаш сме пријатели“, има изјавено Расел за првата средба.

Продолжува на следната страница...