„Нашата ќерка се роди со расцеп на устата“ – емотивна исповед на Џанлука Ваки и прва фотка од лицето на ќерка му
- Детали
- четврток, 24 декември 2020
Џанлука Ваки отворено проговори каква вродена аномалија имала неговата ќерка со цел да ја поткрене свеста на оваа тема. „Ова се случува кај 1 од 700 бебиња...“, вели тој.
Џанлука Ваки и неговата партнерка Шерон Фонсека за првпат го покажаа лицето на нивната ќеркичка Блу Јерузалема.
Тие позираа за насловната страница на италијанскиот магазин iHola и отворено ја раскажаа нивната приказна.
„Со многу љубов сакаме да ја споделиме приказната за раѓањето на Блу Јерузалема. Среќни сме што конечно ќе ја запознаете.
Блу беше родена со расцеп на устата и непцето (cleft palate - најчеста вродена аномалија на лицето).
Нашата душа и срце веднаш беа со нашата ќерка, но истовремено и со семејствата кои минале низ истата ситуација, затоа што ова се случува кај 1 од 700 бебиња.
Благословени сме што имаме одличен медицински тим за нашето мало девојче и што дека во догледно време тие ќе можат да продолжат со операција и со тоа ќе ѝ помогнат да живее сосема нормален живот.
Но, ова не е ситуација со многу семејства и тоа е причината што одлучивме да го поткренеме нивото на свесност и да ги поддржиме фондациите како @operationsmile кои се одговорни за помагање на семејства во оваа ситуација“, напиша Џанлука.
С. С. | Црнобело / Фото: iHola
Би можело да ве интересира:
Препорачуваме
Најчитани неделава
