Џастин Тимберлејк вторпат стана татко – Џесика Бил се породила во тајност пред половина година

Детали

понеделник, 18 јануари 2021

Во шоуто на Елен Деџенерис, Џастин Тимберлејк откри дека сопругата Џесика Бил се породила во тајност и веќе го добиле нивното второ дете, и тоа пред речиси шест месеци.

Во јули се појавија гласини дека Џастин Тимберлејк и Џесика Бил станале родители по вторпат, но парот дури сега ги потврди новостите. Џастин и Џесика веќе го имаат 5-годишното синче Силас, а во шоуто на Елен Деџенерис пејачот потврди дека го прошириле семејството со уште едно машко дете.

„Неговото име е Финеас и многу е неверојатен и сладок, и никој дома не спие. Но, возбудени сме, не можеме да бидеме посреќни и поблагодарни“, изјави пејачот.

На прашањето од Елен како се справуваат со две деца, пејачот на шега изјави:

„Повеќе не се гледаме еден со друг. Но, многу е забавно. Силас е многу возбуден“.

Навистина е интересно што актерката успеала да ја скрие целата бременост. Таа и Џастин се немаат појавено во јавност уште од март минатата година, а на сите фотки што ги објавуваа на социјалните мрежи, Џесика се гледа само од половината нагоре. Единствено на фотографиите од нејзиниот роденден има фотка каде што Џесика се гледа цела, а тој период веројатно била во четвртиот месец од бременоста.

Изминативе неколку месеци тие речиси и да не објавуваа фотки и видеа од нив, туку се фокусираа на активизмот, особено на движењето Black Lives Matter. А, бидејќи целата година беа одложени сите големи филмски и музички настани, на актерката ѝ било навистина лесно да ја скрие бременоста.

Џесика се породила само осум месеци после инцидентот со Џастин и неговата колешка Алиша Вејнрајт, па фановите се убедени дека таа била бремена во овој период. Иако Џесика не се огласи во врска со настанот, уште тогаш стана јасно дека му простила на пејачот, најмногу поради Инстаграм објавите на кои ја изјавува нејзината љубов кон него. Пејачот, пак, јавно ѝ се извини и кажа дека многу се каел за тоа што го направил.

Спирова С. | Црнобело