Скандалозниот живот на популарен турски актер - Ја обвини бившата за неконтролирано трошење пари, а него му се заканува затвор
- Детали
- четврток, 22 април 2021
Со турскиот актер Озџан Дениз македонската публика имаше прилика да се запознае преку улогата на Мурат во ТВ серијата „Црната Роза“, а потоа следеа улогите и во други ТВ серии, како во „Виорот на судбината“, „Парампарче“, „Истанбулската невеста“ и други. Инаку, тој деновиве е топ тема во турските медиуми како со она што му се случува и во приватниот живот, така и на професионален план.
Дури и оние кои не ги следат турските серии, понекогаш сакаат да навлезат во животите на популарните личности, посебно кога ги следат скандали, како овој турски актер.
Разводот и обвинувањата од страна на неговата поранешна сопруга, манекенката Фејза Актан се топ тема во турските портали. Имено, откако по само 15 месеци брак тие се разведоа во 2019-тата година, на нивната приказна како да ѝ нема крај.
https://www.instagram.com/p/BA9PB7pHve0/?utm_source=ig_web_copy_link
Озџан, наводно ја остави 20 години помладата сопруга затоа што не ги исполнувала добро своите мајчински обврски и неконтролирано трошела пари.
На ова, Фејза одговори со кpивичнa пријава до oбвинитeлcтвото во Турција против поранешниот сопруг, Озџан Дениз и неговиот брат Ерсан Дениз. Таа тврди дека била изложена на физичко и пcихичкo нacилcтво од нив двајца.
Во најновиот развој на настаните, како што пишува турскиот портал „Хуриет“ Актан тврди дека актерот ја тепал повеќепати, дека ја изневерувал и дека кога сакала да си замине ѝ се заканувал дека ќе ја убие, по што пак била изложена на насилство. По овие обвиненија на актерот му се заканува затворска казна од 6 до 18 месеци.
Од друга страна пак, турската јавност е збунета од најновиот филм „Senkron“ на Озџан Дениз, каде неговата поранешна сопруга ја толкува главната женска улога.
Она што предизвика реакција кај публиката се токму насилните сцени во филмот. Ликот што го толкува Фејза е претепана, малтретирана, со модринки по лицето и по телото.
Имено, серијата која се состои од само 6 епизоди е снимена во време на пандемија, односно во периодот кога Фејза и Дениз биле заедно во карантин, за да бидат со синот.
Серијата е објавена на дигиталната платформа Gain, а во неа ја следиме жената Мина која е мајка на синот Кузaj (името е исто со името на синот на Фејза и Озџан) и која трпи насилство од сопругот. Исто како што Озџан Дениз се бореше за старателство на синот во реалниот живот, така и неговиот лик Седат во серијата не дозволува сопругата да му ги земе синовите.
Повеќе фотки од актерот:
Б. С. Б. | Црнобело / фото: Instagram/Milliyet
Би можело да ве интересира:
Препорачуваме
Најчитани неделава
