Болната причина зошто раскинаа Џеј Ло и Алекс Родригез

Детали

четврток, 22 април 2021

„Џеј Ло и порано била во тешки ситуации, таа не е од оние кои се затвораат дома и плачат“, вели изворот кој открива зошто поп дивата ставила крај на романсата со Алекс Родригез.

Разделбата на Џенифер Лопез и Алекс Родригез ги заинтригира фановите, а сега во американските медиуми осамнаа информации како и зошто парот ја донел таа одлука.

Во магазинот People осамна приказна во која се наведуваат причините за крајот на нивната љубовна врска.

Крајната одлука наводно ја донела Џеј Ло затоа што не можела комплетно да му верува на Алекс. „Таа се чувствуваше мизерно“, изјави извор близок до пејачката. „И сметаше дека не е во нејзин интерес да остане со Алекс“, додава тој.

„Лопез инсистираше да се разделат затоа што меѓу нив постоеја многу нерешени проблеми“.

Дополнително на ова влијаело и тоа што минувале многу време заедно во периодот на пандемијата, а двајцата не биле навикнати на таков животен стил.

„Двајцата сакаа да минуваат време заедно како семејство, но им беше тешко да ја одржат специјалната искра помеѓу нив затоа што се гледаа секој ден за разлика од преходно кога Џеј Ло имаше патувања, настапи и турнеи“.

„Проблем беа и гласините за неверство. Без разлика дали тој ја изневерил или не, не е важно, таа нема да толерира во себе да има страв од неверство.“

Изворот додава дека тие ќе се обидат да останат во пријателски односи и да се почитуваат еден со друг, но дека ќе тргнат по различни патишта.

Парот кој беше заедно од 2017 година, а се сврши во 2019 вели: „Сфативме дека подобро функционираме како пријатели и се надеваме дека ќе продолжиме така со поддршка и соработка еден со друг. Си посакуваме сѐ најдобро еден на друг“.

Прочитајте и Мајка ѝ е коцкар, татко ѝ е скиентолог: 12 мрачни тајни за животот на Џенифер Лопез

С. С. | Црнобело