Една од најубавите Холанѓанки објави смели фотки од доење и пумпање мајчино млеко – како е да се биде мајка и топ-модел?

Детали

недела, 09 мај 2021

Холандскиот топ-модел Роми Страјд во последно време споделува фотографии на нејзиниот Инстаграм профил каде можеме да ја видиме како го поминува животот како мајка. Од смели фотки со доење на бебето, до прошетки, па и фотосесии каде пумпа мајчино млеко во слободното време.

Роми (25) сподели фотографии на кои ја покажа пумпата за мајчино млеко, додека е на фото-сесија во Ибица. Таа рече дека се придружува кон „животот на мајки на снимање“ . Ова е нејзино прво патување по цела една година. Таа последната година ја помина во Холандија.

Таа откако стана мајка на ќеркичката Минт во декември минатата година постојано споделува фотографии и видеа од животот како мајка, а ова се први фотографии што ги споделува откако се враќа на кариерата како топ-модел.

Освен што е мошне активна на Инстаграм таа има и свој видео блог (влог) на Youtube каде исто така говори за предизвиците со кои што се соочува како мајка и топ-модел.

Оние што го следеле нејзиниот влог знаат дека често во заднина се слуша звукот на пумпата за одмолзување мајчино млеко, па така на нејзиниот Инстаграм профил таа еднаш напиша:

„Мислам дека најтешко за мене е тоа што немам многу време за себе. Секако тоа вреди 100.000%, но би сакала некогаш да бидам самата со себеси и да си ставам маска или да го организирам станот или да исперам алишта со музика, на пример.“

Она што сите го забележуваат на најновите фотографии е дека мајчинството не влијаело премногу на нејзиното тело, па така најубавата Холанѓанка уште е во топ форма.

Во продолжение повеќе фотографии од Роми Страјд:

Б. С. Б. | Црнобело