Меган Фокс првпат во јавност со децата од првиот брак и со новиот дечко, откако тој беше „уловен“ со мистериозна девојка

Детали

понеделник, 10 мај 2021

Првпат откако ја почнаа врската, Меган Фокс и Машин Ган Кели беа фотографирани во јавност заедно со децата на познатата актерка. Пред неполн месец, пак, музичарот беше фотографиран пред ноќен клуб со мистериозна русокоса девојка.

Меган Фокс има три деца од претходниот брак со Брајан Остин Грин и иако е доста отворена за врската со Машин Ган Кели, досега парот не се појавил во јавност со нејзините деца. Меган се раздели од Брајан и поднесе барање за развод минатата година, во истиот период кога ја почна врската со музичарот.

Вљубениот пар беше забележан во забавниот парк Universal Studios Hollywood, a и двајцата беа во лежерно издание. Меган носеше бели тренерки и црна кроп-топ маичка, а Машин Ган Кели носеше сини тренерки.

Меган и Кели се запознаа на снимањето на трилерот Midnight in the Switchgrass и според изворите, помеѓу нив веднаш се појавиле чувства. Сепак, тогаш Меган уште беше заедно со сопругот Брајан Остин Грин, а кога најави дека ќе се разделуваат, стана јасно дека причината е Кели.

Меган и Брајан се верија во 2006 година, но околу три години подоцна, на краток период беа разделени. Конечно стапија во брак во 2010-та, па повторно се разделија во 2015-та. После второто смирување, тие ги добија трите синови, но во 2020-та се разделија уште еднаш, а Меган поднесе и барање за развод.

Иако ова е првпат Меган и нејзиното ново момче да се појават заедно во јавност со нејзините деца, според изворите, тие многу го сакале Кели:

„Тој се обидува да се зближи со нејзините деца. Меган ги сака нејзините синови и тие секогаш ѝ се приоритет. Пресреќна е што децата го прифатија Кели“.

Инаку, пред неполн месец, Машин Ган Кели беше забележан во близина на ноќен клуб со непозната девојка. Кели пристигна во клубот со мистериозна русокоса, а со него не беше Меган.

Музичарот и девојката влегоа во клубот од задниот влез, каде што се задржаа неколку часа. Потоа беа фотографирани додека излегуваат, повторно од задниот влез, и влегуваат во автомобилот на Кели.

Не е познат идентитетот на девојката, ниту каква е нејзината врска со Кели. Истовремено, ни тој ни Меган се немаат огласено во врска со фотографиите. Вo меѓувреме, и двајцата тврдат дека се лудо вљубени еден во друг и дека нивната врска е сериозна.

Спирова С. | Црнобело