Дали Џенифер Анистон и Анџелина Џоли некогаш се сретнале?

Детали

понеделник, 02 август 2021

За Џенифер Анистон и за Анџелина Џоли е заедничко тоа што и двете биле сопруги на мега-популарниот актер Бред Пит, а и двете поминале развод со него...

Џенифер беше изневерената сопруга, која Бред Пит ја остави поради Анџелина Џоли, а Анџелина веќе неколку години ја води судската битка со нејзиниот поранешен сопруг. Јавно е познато дека тие немаат мошне високо мислење една за друга.

Јасно е дека Џенифер има добра причина зошто не е голем обожавател на Анџелина. Тие и двете во одделни прилики даваа интервјуа. Прво Анџелина отворено проговори како се вљубила во Бред Пит на снимањето на филмот Mr and Mrs Smith, а за Џенифер беше проблематичен тајмингот на нивната врска, затоа што во време на снимањето на споменатиот филм Бред беше во брак со неа.

Иако снимањето на филмот почна додека Бред и Џенифер сè уште беа во брак, Анџелина напомена дека ништо не се случило помеѓу неа и Бред додека тој бил оженет. Таа дури призна и дека „не знаела многу за приватниот живот на Бред“.

Според Џенифер, не беше во ред тоа што Анџелина говори на тој начин. Сепак, таа не упати директни навреди кон тогаш идната сопруга на нејзиниот поранешен сопруг. Таа само го оцени интервјуто како „малку неточно“.

Но, иако честопати говореле една за друга, имале ист сопруг, сепак останува отворено прашањето: Дали некогаш воопшто се запознале?

Според обожавателите, Џенифер Анистон важи за мошне љубезна личност и сите се прашуваат што би ѝ рекла таа на Анџелина кога би имала прилика да ја види во живо.

Џенифер одговори на ова прашање во 2006-тата година. Таа во интервју за Vanity Fair рече дека имала прилика еднаш да се види со Анџелина на сетот на „Friends“.

Во тоа време Џенифер сè уште била во брак со Бред Пит, па одлучила да се претстави и да се запознае со Анџелина и ѝ рекла:

„Бред е мошне возбуден што ќе работи со тебе. Се надевам дека ќе си поминете убаво“.

Сега од временска дистанца, кога го имаме расплетот на целата приказна, мора да признаеме дека ова биле на некој начин зборови што ниту самата Анистон не знаела колкаво значење ќе имаат во иднина. По ова, нема други информации дека некогаш се сретнале.

Во основа, Џенифер и Анџелина се сосема спротивни како личности и се чини дека немаат ништо друго заедничко помеѓу нив освен браковите со истиот актер.

По разводот со Бред Пит, Џенифер беше во брак со Џастин Тероу од 2015-тата до 2018-тата година. И оттогаш е сингл. По разводот на Бред Пит со Анџелина имаше гласини дека наводно актерот повторно планира да се ожени со својата прва сопруга – но тоа останаа само гласини и шпекулации.

За Џенифер се смета дека во моментов се гледа со некој мистериозен човек, чијшто идентитет не се открива, но се знае дека не е премногу опседнат со нејзината слава.

Од друга страна, Анџелина во 2016-тата година поднесе документи за развод и тој процес сè уште трае. За потсетување, Бред и Анџелина живееја во вонбрачна заедница цели 10 години, се венчаа во 2014-тата, а се разведоа по само две години брак.

Се вели дека на Анџелина полека ѝ опаѓа славата во Холивуд, па поради тие причини се почесто може да ја забележат со пејачот The Weeknd.

Б. С. Б. | Црнобело