Гламурозните роденденски забави ги замени со работилница – Како Кајли Џенер дочека 24 и колку се промени низ годините?

Детали

среда, 11 август 2021

Наместо со гламурозна забава како што е препознатливо за неа, Кајли Џенер го прослави роденденот со појадок за најблиските и работилница за сликање во нејзиниот двор, а иако наполни само 24 години, досега неколкупати направи драстични промени во изгледот и сигурно не би ја препознале на фотките од пред 10-тина години.

На 10-ти август Кајли Џенер наполни 24, но годинава наместо гламурозните забави кои се препознатливи за Кардашијанс, таа организира луксузен појадок за најблиските, заедно со работилница за сликање.

Младата милијардерка се пофали за интимната прослава на Инстаграм, најпрво со фотка од нејзиниот роденденски аутфит. За прославата Кајли одбра долго здолниште и маичка со гол грб во светло зелена боја. Комбинацијата ја дополни со сандали со впечатливи украси.

Потоа Кајли сподели и неколку фотки и видеа од прославата, од кои и самите ќе забележите дека вистински се потрудила. За своите гости Кајли сервирала популарна „храна за појадок“, како палачинки, омлет, пржена сланина и крофни.

Кајли организирала и креативна работилница за гостите – сликање на платно. Наводно, секој од гостите си добил свое платно, четки и бои за сликање.

Таа сподели и неколку фотки од подароците и раскошните букети што ги добила од саканите.

Славеничката ни дозволи и да ѕирнеме во нејзиниот двор каде што се одржуваше прославата, којшто го украсила со сијалички и многу свеќи.

Иако Кајли има само 24 години, досега таа драстично го промени нејзиниот изглед. Кајли, на некој начин, порасна пред телевизиските камери – благодарение на ријалити шоуто – па нејзината трансформација не остана незабележана.

Но колку всушност се промени Кајли од периодот кога нејзиното семејство почна да се прославува?

2007: Кајли и сестра ѝ Кендал во периодот кога премиерно се емитуваше ријалити шоуто на Кардашијанс

2008: Кајли е уште само дете

2009: Кајли почнува да експериментира со изгледот

2013: Кајли пред да почне со драстичните промени во изгледот

2014: Периодот кога Кајли почна со употреба на филери за усни – до неодамна упорно го негираше ова

2016: Филерите стануваат поочигледни, но Кајли уште негира дека ги користи

2018: Кратко откако ја роди ќерката Сторми, Кајли беше русокоса

2019: Кајли во поприродно издание

2020: Во последниот период ѕвездата нема направено поголеми промени во изгледот

Спирова С. | Црнобело