Џејми Ли Кертис (62) откри дека нејзиното дете е трансродна личност - од Томас стана Руби
- Детали
- четврток, 21 октомври 2021
Актерката Џејми Ли Кертис вели дека со многу солзи ја прифатила веста и дека најмногу ѝ е жал што повеќе не го користи „мртвото“ име на нејзината ќерка Руби – Томас.
Џејми Ли Кертис (62) откри дека ѝ било многу тешко да се навикне на тоа дека нејзиниот син Томас е трансродна личност и дека сега сака да му се обраќаат со името Руби.
Актерката вели дека ѝ било тешко да се навикне на помислата дека сега има ќерка Руби, но дека ѝ ја дава целата своја поддршка.
Џејми вели дека уште се случува да погреши кога ѝ се обраќа на Руби, но дека таа ѝ го простува тоа.
„Учам нов јазик. Учам нова терминологија и зборови. Нова сум во ова. Не сум личност што се преправа дека знае многу за нешто за кое не знае. И ќе правам грешки, но ќе се обидувам да избегнувам да правам големи грешки.“
Руби вели дека уште на 16-годишна возраст знаела дека е поинаква, но дури пред неколку години кога започнала да се состанува со сегашниот свршеник Том во главата за првпат донела одлука за промена на полот.
Вели дека соопштувањето на одлуката на родителите минатото лето ѝ било застрашувачко искуство, иако длабоко во себе чувствувала дека ќе ја прифатат.
Џејми, за одлуката на нејзината ќерка, вели дека имало многу солзи и најтешко од сè ѝ е што не го користи веќе „мртвото“ име на Руби – Томас.
„Руби, горда сум што сум твоја мајка, денес повеќе од кога било“, напиша Џејми во описот на статијата од магазинот People што ја сподели на својот Инстаграм профил.
Руби пред промената на полот:
С. С. | Црнобело
Би можело да ве интересира:
Препорачуваме
Најчитани неделава
