Џорџина објави фотка од кај гинекологот со четирите деца на Роналдо – среќни за приновата
- Детали
- вторник, 02 ноември 2021
Четирите деца на Кристијано Роналдо ѝ се голема поддршка на Џорџина Родригез и ја придружуваа на ехо-преглед додека со нетрпение чекаат да ги запознаат близнаците, а дополнително, најмалата ќеркичка се обидува да го научи англискиот јазик.
Кристијано Роналдо (36) и Џорџина Родригез (27) во текот на минатата недела ги објавија среќните вести дека таа е бремена по вторпат и дека очекуваат близнаци.
Џорџина, која е во третиот месец од бременоста, објави фотографија на Инстаграм направена за време на последниот ехо-преглед кај гинекологот, на кој беше придружувана од четирите деца на Роналдо.
До фотографијата таа напиша „Нетрпеливи.“
За Роналдо близнаците ќе бидат 5-то и 6-то дете, со оглед на тоа што ги има ќеркичката Алана (3) што ја доби во врската со Џорџина, и уште три други деца - синот Кристијано Џуниор (11) и близнаците Ева и Матео (4) добиени од сурогат-мајка.
Џорџина и Кристијано оваа есен се преселија во Обединетото Кралство, откако светски познатиот фудбалер потпиша договор со фудбалскиот клуб Манчестер Јунајтед, клубот од каде всушност и ја започна својата кариера.
Освен фотката од прегледот, Џорџина сподели и видео на кое се гледа како нејзината 4-годишна ќеркичка Алана учи да говори англиски јазик.
„Прва помош за комуникација во англиско училиште“ – напиша Џорџина.
Децата на Кристијано имаат многу нови и убави работи на кои ќе треба да се привикнуваат - нова средина, нов јазик, но и нови членови во семејството.
Прочитајте и Кристијано Роналдо и Џорџина се пресреќни во новиот дом во Англија по трансферот во Манчестер Јунајтед (фото)
Б. С. Б. | Црнобело
Би можело да ве интересира:
Препорачуваме
Најчитани неделава
