Џорџина е бремена по вторпат, со близнаци: „Роналдо прави свој фудбалски тим“
- Детали
- четврток, 28 октомври 2021
„Роналдо прави свој фудбалски тим“ – коментираат дел од неговите следбеници на Инстаграм, откако тој објави дека неговата девојка Џорџина Родригез е бремена по вторпат, со близнаци.
Кристијано Роналдо (36) на Инстаграм ги сподели среќните вести дека повторно ќе стане татко. Тој објави фотографија на која заедно со неговата долгогодишна девојка Џорџина Родригез (27) ги покажуваат фотографиите од ехо-прегледот.
„Воодушевени сме да соопштиме дека очекуваме близнаци. Срцата ни се полни со љубов – со душа очекуваме да ги запознаеме #благословени“ – напиша Роналдо до фотографиите.
Голем број од неговите следбеници упатија честитки по објавата, а некои коментираа и дека Роналдо прави свој фудбалски тим.
Џорџина и Кристијано се заедно веќе пет години, а тие заедно се преселија во Манчестер, каде светски познатиот фудбалер неодамна потпиша договор со фудбалскиот клуб Манчестер Јунајтед.
За Кристијано ова ќе биде вторпат да стане татко на близнаци. За потсетување, тој веќе има 4 деца: 3-годишната ќерка Алана Мартина која ја доби со Џорџина, 4-годишните близнаци Ева Марија и Матео кои ги доби од сурогат мајка и 10-годишниот син Кристијано Џуниор.
Б. С. Б. | Црнобело
Би можело да ве интересира:
Препорачуваме
Најчитани неделава
