Ја нема видено 9 години, но ја издржува финансиски – сопругот на Парис Хилтон има „тајно дете“

Детали

вторник, 16 ноември 2021

„Картер не ја гледа ќерка му, но ја обезбедува финансиски“ – вели портпаролот на новиот сопруг на Парис Хилтон, откако во јавноста исплива добро чуваната тајна дека тој е татко на детето на љубовницата на Мел Гибсон.

Картер Реум (40), новиот сопруг на богатата наследничка Парис Хилтон (40) има 9-годишна ќерка што ја видел само еднаш во животот кога се родила.

Како што пишува PageSix, Картер ја добил ќерката со ријалити ѕвездата Лаура Белизи, која во 2011-та година кратко беше во врска и со познатиот актер Мел Гибсон.

Нејзината бременост во тој период привлече големо внимание, затоа што Мел Гибсон тогаш се разведе со неговата сопруга, а се шпекулираше и дека тој е татко на бебето на Лаура, со која краток период беше во врска.

Лаура Белизи во тој период ги негираше ваквите тврдења, но не го откри идентитетот на таткото на нејзиното бебе.

Прочитајте и Направил дете со друга додека бил во брак, тужен за насилство – како жените му го „земаа“ богатството на Мел Гибсон?

Сега, по 10 години, светските медиуми дошле до информации дека 9-годишното девојче е ќерка на новиот сопруг на Парис Хилтон, Картер Реум.

Картер и Лаура се од Чикаго, но Лаура со нејзината ќерка денес живее во Калифорнија.

Наводно, Картер веднаш по раѓањето потпишал документ дека тој е татко на девојчето, без да направи тест за докажување на татковството.

„Луѓето што се засегнати со оваа приказна знаат за девојчето цели 10 години. Картер го поддржува детето. Иако нема класичен родителски однос со неговата ќерка, тој финансиски ја обезбедува од мигот кога се роди и ќе продолжи да го прави тоа и во иднина“ – изјави портпарол на Картер.

Прочитајте и Кој е и колку „тежи“ Картер Реум, новиот сопруг на Парис Хилтон, со кого направи тридневна свадба?

PageSix повикувајќи се на сопствени извори блиски до Лаура, пишува дека, наводно, 9-годишното девојче е скршено од болка затоа што нејзиниот татко деновиве постојано е во медиумите и говори дека сака да започне ново семејство со новата сопруга.

Наводно, ваквите изјави од таткото што никогаш не го видела, дополнително придонесуваат за тоа да се чувствува отфрлено.

Инаку, Картер и Парис стапија во брак на 11-ти ноември годинава, на семејниот имот на дедото на богатата наследничка во Бел Ер. Нивната свадба траеше три дена, а привлече огромно внимание од медиумите и јавноста.

Б. С. Б. | Црнобело