Вил Смит зборува за траумите: „Првата девојка ми го скрши срцето, по секој оргазам со други жени повраќав“

Детали

четврток, 25 ноември 2021

„По секој секс имав нагони за повраќање или повраќав“ - По признанието дека со сопругата Џејда Пикет имаат отворен брак, актерот и музичар Вил Смит откри уште детали од неговиот интимен живот.

Вил Смит (53) во своите мемоари насловени Will, откри дека имал период кога му било скршено срцето затоа што првата девојка Мелани го изневерила. Актерот нашол утеха во секс без обврски со голем број жени.

„Очајно ми требаше да се ослободам од болката, но нема лекови за скршено срце, па така се свртев кон хомеопатската медицина што ја нуди шопингот и постојаниот секс без обврски.

Сè до овој момент во животот имав секс само со уште една друга жена освен Мелани, но во следните месеци се претворив во ‘гето хиена’“ – пишува Вил.

Сепак, како што раскажува понатаму, ваквите ‘лекови’ имале свои несакани реакции, што тој ги чувствувал по секој секс.

„Имав секс со многу жени, а тоа не се согласуваше со она што сум јас во суштина, па така развив психосоматска реакција на оргазмот. По секој секс имав нагони за повраќање, а понекогаш дури и повраќав“ – пишува тој.

Како што вели, во секоја средба се надевал дека некоја од тие непознати жени ќе го сака и ќе му помогне да се ослободи од болката што ја чувствувал.

„По секој секс ми се случуваше да се задушувам и да имам нагони за повраќање, а погледот во очите на жените само уште повеќе ја продлабочуваше мојата агонија“ – вели тој.

По големиот број сексуални авантури Вил Смит стапи во брак со Шери Зампино во 1992 година, но тие се разведоа во 1995 та година. Актерот неодамна откри дека со неговата сегашна сопруга Џејда Пикет Смит имаaт отворен брак.

Прочитајте и Со сопругата имаат отворен брак, израснал со насилен татко – Факти за Вил Смит

Б. С. Б. | Црнобело