Детали за најсмртоносниот пожар во дискотека во Бразил во 2013-та: Настанал од пиротехника, загинале 242 лица

Детали

вторник, 18 март 2025

Во 2013 година, Бразилците се соочиле со слична трагедија како нашата деновиве. Во пожар во дискотека загинале дури 242 лица, на возраст од 18 до 30 години. Дискотеката била преполна, со само еден излез и без противпожарни апарати. За инцидентот е снимена и серија.

Трагедијата во кочанската дискотека каде што (досега) загинаа 59 лица и над 150 беа повредени не е единствениот ваков страшен случај.

Слични пожари имало во дискотеки во скоро секоја држава во светот и стотици, можеби и илјадници млади загинале поради непочитување на протоколите за безбедност од страна на сопствениците.

Еден од попознатите и посмртоносните вакви пожари се случил во Бразил во 2013 година, каде загинале дури 242 лица, а над 630 биле повредени.

Што точно се случило и кој бил виновникот?

На 26-ти јануари 2013 година, студентите од неколку факултети организирале забава во дискотека во бразилскиот град Санта Марија.

Во дискотеката позната како Kiss имало над 700 гости на возраст од 18 до 30 години и локалот бил преполн.

Како што кажуваат дел од преживеаните, мотото на дискотеката било „што повеќе луѓе, тоа подобро“, не земајќи ги предвид безбедносните протоколи.

Ноќта настапувале два познати бенда, а на сцената имало и пиротехника.

Од пиротехниката, околу 2 часот по полноќ, во дискотеката избувнал пожар.

Огнот ја зафатил пената за звучна изолација на таванот и се проширил речиси веднаш.

Слично како во Кочани, немало излези за итни случаи и сите влегувале и излегувале од само една врата.

Кога гостите сфатиле што се случува, тргнале да излегуваат низ единствениот излез, при што настанало стампедо.

Но, подоцна, од противпожарната служба излегоа со тврдење дека влезната врата првично била заклучена.

„Поради огромната толпа, на луѓето им беше тешко да излезат и според информациите што ги имаме, луѓето од обезбедување ги заробиле жртвите внатре“, изјавиле од противпожарната служба за CNN.

Огнот не бил единствениот проблем – од пената за звучната изолација почнале да се ослободуваат токсични гасови и според истрагата, околу 90% од гостите се задушиле од отровниот чад.

Продолжува на следната страница...