Јутубер од Србија им ги покрива месечните трошоци на непознати луѓе (видео)

Детали

понеделник, 11 ноември 2019

Данило Бадњар е Јутубер од Србија, а неодамна направи навистина добро дело.

Младиот Јутубер, познат и како Чода, одел од куќа во куќа и ги прашувал луѓето колку им се месечните трошоци. Им кажувал дека планира да се пресели во нивниот крај, па сакал да знае што може да очекува.

Но откако го добивал посакуваниот одговор, Данило им кажувал на луѓето дека сака да им помогне. Потоа им ја подарувал сумата пари што им е потребна за еден месец.

Данило направил и видео од неговиот „проект“.

„Одиме да ги прашаме луѓето колку им чинат сметките, кажувајќи им дека сакам да се преселам овде. Но, кога ќе ми кажат колку чинат, ќе им ја дадам кажаната сума, само за да им подарам малку позитивност“, вели Јутуберот.

Најпрво, Данило посетил жена на која ѝ подарил 3.000 динари. Следната личност бил маж кој е воен инвалид, но кој работел како чистач за да заработи нешто.

Кога Данило му дал 17.000 динари, на среќата на мажот ѝ немало крај.

„Што, за мене? Каква обврска имам пред тебе? Утре нема да дојдете и да ми речете дека ми дадовте 17.000 динари?“, прашал човекот кој потоа и го прегрнал младиот Јутубер.

Една жена пак, во знак на благодарност, му подарила и букет цвеќе на ова добро момче.

„Шокирана сум. Првпат некој да ме почасти вака. Во животот никогаш не сум добила ништо“, изјавила една жена која ги донирала добиените пари, на луѓе на кои им требаат повеќе.

Овој гест нема да ве остави рамнодушни, а целото видео можете да го погледнете во продолжение:

Спирова С. | Црнобело