Што знаеме за првата сопруга на Огњен Амиџиќ – Таа го запросила, ретко се појавувал со неа во јавност

Детали

петок, 05 јануари 2024

„Првиот пат стапив во брак затоа што мислев дека така треба, а не затоа што бев зрел за тоа“ – Огњен Амиџиќ за првпат, 13 години по разводот, откри зошто се распаднал неговиот прв брак. Која била првата жена со која водителот застана пред олтар и што знаеме за неа?

Српскиот ТВ водител и актер Огњен Наумовиќ деновиве во тајност се ожени за својата трета сопруга, колешката Мина Наумовиќ, а малкумина знаат дека ова му е трет брак. За неговата втора сопруга Данијела Димитровска се знае многу, но ретко кој се сеќава на првата жена што успеа да го освои неговото срце.

Пред Данијела и Мина, Огњен бил во брак со српската ТВ водителка Милица Марковиќ, со која се запознале во 2002-ра година, а и двајцата тврдеа дека тоа било љубов на прв поглед.

Во брак стапиле 4 години подоцна, во 2006-та, а се венчале во манастирот Каона кај Шабац. Огњен во една пригода откри дека тој неколкупати се обидувал да ја запроси, но на крај таа го запросила него.

Интересно е тоа што додека биле во брак, Огњен и Милица многу ретко се појавувале заедно во јавност, а неговата прва сопруга во една пригода коментираше зошто избегнуваат да излегуваат заедно пред камери.

„Просто не ми е пријатно кога во јавност нè сликаат заедно, затоа што се трудам нашиот приватен живот да го држам во тајност“ – изјави таа.

Но, нивниот брак не траел долго. Тие во 2010-та година ја известија јавноста со заедничко соопштение во кое открија дека нивната љубов згаснала, но дека засекогаш ќе останат во пријателски односи.

По разводот, Милица се повлече од јавниот живот.

Долги години Огњен молчеше за својот прв брак, но неодамна даде изјава во која коментираше зошто одлучил да застане пред олтар со Милица.

„Никогаш не можеш да знаеш кога ќе се случи тоа, таа емоција, таа суштина. Првиот пат стапив во брак затоа што мислев дека така треба, а не затоа што бев зрел за тоа. Сега ми е третпат, трета среќа и мислам дека тоа е тоа“ – изјави Огњен.

По бракот со Милица, Огњен стапи во брак со Данијела Димитровска со која го доби синот Матеј (10), но нивниот брак заврши со развод во 2022-ра година.

Б. С. Б. | Црнобело / фото: Инстаграм