Лавата „проголта“ над 100 куќи – морничави сцени на Канарските острови, по ерупцијата на вулкан (фото+видео)

Детали

вторник, 21 септември 2021

Вулканот на шпанскиот остров Ла Палма еруптираше по 50 години неактивност и иако, за среќа, нема жртви и повредени, предизвикана е голема материјална штета и досега се уништени над 100 куќи.

Во неделата, 19 септември, на шпанскиот остров Ла Палма еруптираше вулкан кој бил неактивен цели 50 години.

Ла Палма е всушност дел од Канарските Острови, а овде живеат околу 85.000 луѓе, а поради ерупцијата биле евакуирани околу 5.000.

Ерупцијата била забележана навремено и за среќа нема жртви и повредени, но тамошните власти споделуваат дека има голема материјална штета – досега се уништени околу 100 куќи.

Според вулканскиот институт на Канарските Острови, во областа имало неколку земјотреси пред да еруптира вулканот, па веројатно тие се причината за неговото „будење“ по половина век.

Последната ерупција на вулканот била во 1971 година и траела повеќе од три недели. Тогаш имало и една жртва – турист кој ја фотографирал лавата.

Фотографии и видеа од застрашувачката ерупција на вулканот во Ла Палма:

Продолжува на следната страница...