Како последната иранска царица, која на ниту една фотографија не носи хиџаб, беше прогонета од земјата?

Во високите кругови низ Техеран веќе се зборувало дека шахот бара нова жена, откако се развел со втората сопруга која не можела да има деца, а името на Фара тогаш било ставено на списокот на потенцијални кандидатки.

Шахот подоцна рекол дека кога се запознале знаел дека Фара е жената што долго ја чекал и дека таа е царицата што ѝ била потребна на неговата земја.

За разлика од другите владетели на Блискиот Исток, иранскиот шах сакал неговата сопруга да нема само церемонијална улога и му се допаѓало тоа што таа била образована и можела да се вклучи во голем број активности.

За време на прогласувањето за царица, Фара носела круна со избрани скапоцени камења, направена од платина и злато, а која тежела околу 1.480 грама.

Тие заедно добиле син и уште 3 други деца, а шахот во знак на благодарност не само што ја прогласил за царица, туку и ја назначил за негов наследник во случај на неговата смрт, сè додека нивниот син Реза Втори не стане полнолетен.

Заради својот беспрекорен стил, шарм и поддршка на уметностите, Фара била нарекувана Џеки Кенеди на Блискиот Исток.

За време на нивното владеење бил забележан економски раст и зголемување на можностите за образование.

Во тоа време жените можеле слободно да престојуваат и да комуницираат со мажите на јавните простори, немало ограничувања во поглед на облекувањето, а законски девојчињата можеле да стапат во брак по 18 години.

По револуцијата во 1978-ма година кралското семејство побегнало од родниот Иран и се преселило во САД. Шахот починал во 1980-та година во Египет, а Фара денес живее на релација САД-Франција и никогаш повеќе не се вратила во родниот Иран.

Мислењата за Фара денес се поделени. Едни сметаат дека таа била последната шанса на земјата за демократија, а други пак ја гледаат како модерна Марија Антоанета која ја довела својата земја до пропаст и до сиромаштија.

 Б. С. Б. | Црнобело