Тест низ 10 прашања: Знаете ли каде се користи надреден знак во македонскиот јазик?

Надреден знак се пишува само во три случаи:

- над самогласката „е“ во кратката заменска форма од „нас нè“, за да се разликува од негацијата „не“.

- над самогласката „е“ во прилогот „сè“, за да се разликува од кратката заменска форма од повратната заменка „себе се“ која често ја употребуваме со повратните глаголи; како и од помошниот глагол сум во трето лице множина (тие се).

- над самогласката „и“ кај кратката заменска форма од „нејзе ѝ“ за да се разликува од сврзникот „и“.

Оттука решенијата на десетте прашања се:

1. Сè што сакав да ти кажам;

2. Нас не нè викнаа;

3. Мајка ѝ ѝ рече;

4. Ќерка ѝ отиде во училиште;

5. Не е злато сè што сјае;

6. Сè уште помнам како се смеевме;

7. Нам ништо не ни рекоа;

8. Ништо не ѝ рече;

9. Не ѝ дозволи да зборува;

10. Татко ѝ ја викна дома.

Б. С. Б. | Црнобело/ фото: depositphotos.com