Тест на личноста преку слика: Каква креативност криете?

1. Вокална креативност

Креативно се изразувате благодарение на гласот и важно ви е луѓето да ве слушаат. Без оглед дали разговарате во кафуле, на состанок или со пријател на улица, делењето на вашите идеи е задолжително.

Вашата потреба за вокално изразување е толку силна и слободна, што кога другите ќе ве замолчат се чувствувате повредено. Зборувате слободно и јасно, заради што работата од соништата вклучува јавни говори. Пејте гласно на улица или започнете свој видео блог - тоа ќе ве ослободи од секојдневните грижи.

2. Визуелна креативност

Вашето креативно изразување е како една голема слика. Толку сте визуелни, што целиот свет ви се врти околу тоа што го гледате. Живеете и уживате во полн спектар на бои и текстури. Вашиот живот е преполн со предмети кои сте ги создале, собрале и на кои вистински им се восхитувате.

Сакате да се воодушевувате, но сакате и да бидете обожавани. Екстравагантни сте, не сакате да живеете скромно и тивко. Кога правите мали работи, не се чувствувате доволно автентично. За вас, овој живот е прекраток за да ја криете својата креативност.

3. Интелектуална креативност

Вашето креативно изразување подразбира едноставност и ред. Минимализмот и интелигенцијата се вашиот свет. Едноставноста во линиите, прекрасните архитектури и мистеријата на математиката е она што ги отвора вашите очи. Немате време за површни идеи и нереални замисли.

Сакате ситуациите да ги гледате во црно-бела техника, избегнувајќи ги нијансите на сива. Уживате во природата и откривањето на скриените значења на работите. Вие сте поставувач на прашањата кој мора да добие јасен и прецизен одговор, во спротивно ќе биде незадоволен.

Креативноста сакате да ја изразувате преку способноста за декодирање, дешифрирање и утврдување.

4. Организациона креативност

Сакате од хаосот да правите ред. Уживате во готвењето, правењето распореди или поставувањето шарени декорации низ домот. Вашиот живот се темели врз остварување и делење на работите со другите.

Животот ви е организирана мапа во која ништо не може да ве изненади. Не сакате да бидете сами, затоа што тогаш нема на кој да ги докажувате вашите способности. Ако некогаш ви е потребна пауза - направете ја.

Организирањето знае да биде напорно, па дозволете си по некоја масажа или опуштање без вашите тефтери, пенкала и стикери. Вашиот живот не мора да биде постојано во брзање.

5. Мисловна креативност

Вие се изразувате преку мисловните искуства кои ги имате. Креативни сте и сакате да вложувате во овој ваш квалитет. Активностите и задачите секогаш мора да се добро размислени. Сакате да си земете слободно време за набљудување на работите и да го искусите секое можно патување. Мирна личност сте, која повремено тежнее кон совршенство.

Сакате да пишувате, да ја откривате душата. Единствен проблем е што работите ги разбирате премногу сериозно. Дозволете им на луѓето да допрат до вас, опуштете се, играјте и уживајте. Вашето креативно изразување ќе биде уште поценето кога ќе го споделите.

6. Физичка креативност

Вашата креативност има физички облик. Вие сте личност која презема одговорност и заинтересирани сте за напредок. Луѓето кои се изразуваат физички обично сакаат да ги покажат своите достигнувања како што се нивните тела, специфичните домашни миленици, нивната совршена куќа или облека. Сакате да постигнете совршенство, но не сте опседнати со него.

Имате мала доза на несигурност заради која креативноста ја чувате во приватност. Опуштете се, уметноста треба да има грешки, тоа е половина од забавата. Додајте малку повеќе душа во она што го правите.